|
Germanye Metbuatliridin
Germaniye baş ministiri
Gerhard Schröder'ning bu qétimqi Zhong Guo'ğa qilğan
ziyariti dunya jamaitini, şundaqla Germaniyediki
ténçliq söyidiğan, insan heqlirini himaye qilidiğan
partiye we şexislerni heyran qaldurdi.
Bu 4 künlik ziyaret dawamida, Schröder asasliği Zhong
Guo bilen zor kölemlik ixtisadi-menpet kélişimliri
üstide sözleşti. Yawrupaning 1989-yildin bu yanqi
Amerika bilen birlikte Zhong Guo'ğa yürgüzwatqan
qoral-yaraq ambargosini emeldin qaldurişiğa
heydekçilik qilidiğanliğiğa wede bériş arqiliq, Zhong
Guo bilen bolğan soda kilişimlirini téximu köpeytiş
mexsidige yétişni közlidi. Bularning içidiki hemmidin
bek kişilerning diqqitini we qarşiliğini qozğaydiğan
alahide soda türi- Germaniye Hanau'diki atom
fabrikisini erzan bahada (50 million yawru) Zhong
Guo'ğa sétip bériştur. Eger Zhong Guo ténçliqqa
işlitimiz dep wede bérip, Germaniye we dunya
jamaitining közini boyap bu qurulmini özige quriwalsa,
téximu ilğar, téximu köp atom bombilirini yasap
özining kengeymiçilik we dunyağa xojayin buluş qara
niyitige téximu yéqinlişidu. Töwende bu atom fabrikisi
toğriliq Germaniye mediyasida birilgen melumatlarni
öqurmenlerning nezirige sunduq:
Bu fabrikini 1994-yili Siemens şirkiti 560 million
yawru mebleğ sélip qurğan bulup, yiliğa 120 tonna
arilaşma oksid (asasliği atom qoralliriğa işlitilidu)
işlepçiqiriş iqtidariğa ige. Fabrikiğa lazim asasliq
xam matiryal 3% plutonium we 97% uran ( bu radiaktip
elimiti wetinimiz Şerqiy Türkistan'ning Ili, Qeşqer,
Aqsu wilayetliridin çiqidu ( 731, 734, 733 zawutliri,
Ürümçidiki 115-herbi zawut pişşiqlap yötkeydu).
Yéşillar (Grünn) partiyisining parlamenttiki
bayanatçisi mundaq digen: bu bir mesuliyetsizlik,
Germaniyede çeklengen fabrikini qandaqlarçe Zhong
Guo'ğa sétip birimiz, bu hem xelq'araliq uruş
qorallirini nazaret qiliş qanuniğa xilap. Erkin
demokiratçilar partiyisining (FDP) bayanatçisi mundaq
digen: Zhong Guo her yili tereqi qiliwatqan dölet
qatarida Germaniyedin 300 million qutquzuş yardem
puliğa érişidu, eger bir dölet 50 million mebleğ
ajritip atom fabrikisi sétiwalmaqçi we Yawrupadin
qoral import qilmaqçi bolsa, bu döletning zadi tereqi
qilğan sanaet döliti yaki tereqi qiliwatqan dölet
ikenligini aydinglaşturiwiliş kérek. Resimler geziti (BILD)ning
12-ayning 11-künidiki hewiride, awam rayini sinaş
şirkiti (Forsa) ning istatiskisida Germaniyeliklerning
57%ti atom fabrikisini sétişqa qarşi, 32%ti qarşi emes,
11%ti qarar bermigen.
Nowette Şerqiy Türkistan informotion merkizining eng
diqqtini jelip qiliwatqan mesililerdin béri, bu çong
kölemlik, yuquri radiaktipliq arilaşma oksid
işlepçiqiriş fabrikisini kommunist Xitaylarning nege
orunlaşturişida? Eger Xitaylar asarettiki wetinimiz
Şerqiy Türkistanğa orunlaştursa qandaq qilip biz
buningğa qarşi turimiz? Digen soallarğa jawap
izdimekte.
2003-yili 13-dekabir.Germaniye
Alimjan teyyarliğan.
|
|
