|
APTURI: Nazugum
Nipal hökümitining namertligi bilen Xitayğa qayturulup
şihit bolğan qehrimanimiz Ğoja Muhammet Abbasning
ayalimu qehriman ayallirimiz jümlisidindur. Melumatlarğa
asaslanğanda Ğoja Muhammet Abbasning ayali yoldişi Ğoja
Muhammet Abbasqa ohşaşla Xitay türmiside éğir qiyin
qistaqlar zerbisidin ölüp ketken iken. Buningdin biz
Uygur ayalliriningmu Xitay işğaliyetçilirini wetini
Şerqiy Türkstandin qoğlap çiqiriş üçün erler bilen
barawer mürini mürige tirep küreş qiliwatqanliğini we
qurban bériwatqanliğini körüwalalaymiz Merhum
qehrimanimiz Ğoja Muhammet Abbas özining Xitay türmiside
duç kelgen éçinişliq keçürmişlirini bayan qilip, sim
qamça bilen uruş, qosiğiğa tipiş, bişiğa desseş qatarliq
jazalardin başqa tok orunduqqa olturğuzuş, tirniğini
yuluş qatarliq insane qilipidin çiqqan wehşiyane qiyin
qistaqlarğa duçar bolğanliğini bayan qilidu. Dimek Ğoja
Muhammet Abbasning ayalimu yuqurqidek wehşiyane qiyin
qistaqlarğa duçar bolğan bolsimu lékin mehpiyetlikni
qilçe aşkarilimay qehrimanliq bilen ölüşke razi bolğan.
Buningdin biz gerçe Uygur xelqi 250 yildin buyan manju
we Xitay hakimyitining dehşetlik zulumliriğa izçil uçrap
kéliwatqan bolsimu lékin Uygur ayalliridiki
qehrimanliqning Iparhan we Nazugumlardiki qehrimanliq
bilen ohşaş halette dawamlişip kéliwatqanliğini, bir
qançe esirge sozulğan zulumlarning Uygur ayalliri
wujudidiki qehrimanliq we tiz pükmes rohni
hunükleştürelmigenligini körüwalalaymiz. Peqet 5-fibral
inqilabidin buyanqi 7 yilğa nezer salidiğan bolsaq Xitay
hökümiti yürgüzgen weten içide qattiq ahturuş tutqun
qiliş we rehimsizlerçe soraq qiliş jeryanida,
nurğunliğan Uygur yigitliri bilen birge nurğunliğan
Uygur ayallirimu şihit boldi. Milli bölgünçi digen
böhtan bilen türmilerge taşlandi qiynap öltürüldi. 1997yili
4-ayning 22-küni Ğulja şeherlik tenterbiye meyydanida
ötküzülgen, 5- fibral inqilabidin kéyinki tunji oçuq
sotta, sot meydaniğa yalap élip çiqilğan 15 yaştin 20
yaşqiçe bolğan yigirmidin artuq Uygur yigitining arisida
bişiğa hawa reng yağliq çigiwalğan Uygur qizi Xalidem
alahide közge çiliqip turatti. Xalidem Xitayning
pilanliq tuğut siyasitige qarşi çiqqanliği üçün 12
yilliq qamaq jazasiğa höküm qilinğan idi. Oçuq sot
axirlaşqandin kéyin eskerler herbi maşinida mehbuslarni
élip mangdi. Ikki esker Xalidemning ikki mürisidin
qamalliğançe töwenge bésip turğan bolğaçqa, Xalidemning
nazuk bedini maşinining kozupidin çaqiğiçe sanggilap
turatti. Şundaqtimu Xalidem Ili koçilirida sanjaq sanjaq
turup ketken xelqige bir qariwiliş üçün tohtimay arqiğa
tirejeytti. Emma rehimsiz Xitay eskiri uning xelqige bir
qariwilişiğimu ruxset qilmaytti. Xalidemning bişidiki
hawa reng yağliği şu künki yamğur arilaş şamalda
yelpünüp huddi Ili koçilirida Şerqiy Türkistanning ay
yultuzluq kök bayriqi lepildewatqandek tuyğu biretti.
2000-yili wetendiki tutqun qilişning éğirliğidin Almuta
şehrige qiçip çiqqan Uygur musteqilçisi Jalalidin
Eneydin 3 - bir döwletke ötüp kitişigimu ruhset qilmay
özining we sebdaşlirining hayatini tehdit astiğa
éliwalğan Qazaq saqçisini ilajisizliqtin öltürüp
qoyğanda Qazaq téliwiziyonlir nahayiti qattiq teleppuzda
tutuş buyriqi çiqarğan idi. Bu tutuş buyruqida uning
ayalimu bar idi. Undin başqa yene Xitaylarning qest
qilişi bilen partilap ölgen ölimi hazirğiçe sir bolup
kéliwatqan ataqliq Uygur kino artisi Şatgülmu ayal,
Xitay türmiside yitiwatqan Rabiye qadirmu ayal ,Xitayğa
qarşi neşter bolup sanjilğanliği üçün Xitaylar teripidin
qestke uçrap öltürülgen Dilbirim Samsaqiwamu ayal Xitay
faşstliri teripidin bala yatqusi partilitiwitilgen Uygur
qizi Zeynepmu ayal qisqisi Ğoja Muhammet Abbastek
qehriman şéhitlirimizning anilirimu ayal meşhur
kişilirimiz ayallar pidai boluşni bilipla qalmay belki
özini pida qilişnimu bilidu, ayallar bir qolida böşük
tewretse yene bir qolida dunyani tewriteleydu dep toğra
éytqan idi. Uygur ayalliri düşmen küçlük we rehimsiz,
musteqilliq yolliri egri toqay we xeterlik boluwatqan
şarait astidimu qilçe ikkilenmey we umidsizlenmey küreş
qilmaqta.........
Işinimenki 21-esirde dunyada yézilidiğan qehrimanliq
dastanliri çoqum Uygur ayalliri heqqide yézilidu.
2003- yili 11-ay |
|
