|
Öz muxbirimiz Istanbuldin
xewer qilidu
Esselamu eleykum hörmetlik wetendaşlar! Istanbul şehri
tarixta Türkler, Iranliqlar, Erepler we Osmanlilar
teripidin uzun mezgil idare qilinğan we payteht qilinğan
meşhur şeherlerning biri bolğanliği üçün Istanbul
şehridiki Türk - Islam mimarçiliq medinyitige wekillik
qilidiğan jamiler, medrslerwe turbeler alahide közge
taşlinip turidu. Istanbul şehride hazir jemi 2500 din
artuq jami we medrs bar bolup, bulardin meşhurliri
Beyazit jamisi, Şahzade jamisi, Sulaymaniye jaimisi,
Sultan Ahmet jamisi qatarliqlardin ibarettur.
Musulmanlarning en-eniwi héyt bayram künliride Istanbul
şehridiki jamilerning közge taqaşqan munarliridin
yangriğan ezen awazi kişining yürügini lerzige salidu we
Türkiyening Asiya bilen Yawrupa qitesini öz ara
tutaşturup turidiğan muhim istiratigiyilik orunğa ige
birdin bir musulman döwliti ikenligini namayen qilip
turidu. Bu yilqi roza héyt küni küni Istanbul şehridiki
Uygurlar ene şu tarixi jamilerde héyt namizini oquğandin
kéyin Istanbul şehridiki Uygurlarning birdin-bir
qanunluqq orgini bolğan Şerqiy Türkstan wehpige yiğilip
kolliktip héyt qutlaş paalyiti ötküzdi Istanbul
şehridiki közge körüngen wetenperwer Uygur karhaniçi
Mememet Eysa ependi rozi héytta Istanbul ali mektepliri
we ottura başlanğuç mektepliride oquwatqan Uygur
oquğuçilarni, balilarni şuningdek kolliktip qutlaş
paalyitige qatnaşqan Uygur qérindaşlirini untup qalmidi
we ularğa héytliq soğa teğdim qildi. Wetenperwer Uygur
karhaniçi Mememet Eysa ependi muhbirning ziyaritini
qobul qilip wetendiki qérindaşlirimizning héytini jan
dilimiz bilen tebrikleymiz, mubarek ramzini qutluq
bolsun! Biz bu yerde hör dunyada yaşaymiz ular Xitayning
zulmida yaşaydu, Xitaylar 1. 5 milyar nopuzi bilen pütün
dunyağa yéyiliwatidu. Dunya buning aldini élişi lazim.
Xitay tijariti sodisi bilen dunyani tehdit halitige
almaqta. Dunya büyük bir tehdit halitide turmaqta.
Türkiyeningmu aldi Xitayğa sétilip boldi dédi. Birqançe
yillardin béri Istanbulda iqamet qiliwatqan şair
Siyitnisa Loqman hanim mundaq didi: wetenning ehwalini
oylisam yürügümdin qan yiğlaydu. Hur dunyağa çiqqandin
kéyin wetenning hörlükke érişidiğanliğiğa bolğan
umidlirim nahayiti aşti. Wetendiki qérindaşlirim bu
zulmetlik künlerning pütüşini kütsun, umidini hergiz
yoqatmisun, haman tang atmaydiğan kéçe yoq. Haman bir
küni bu jahalet tügep hurriyetke érişimiz. Istanbul
şehride yaşawatqan Munewwer Ablet hanim kéçiçe 4 öpke
hésipni quyup Şerqiy Türkistan wehpige yiğilğan
qérindaşliriğa ittipaqliq we uyuşçanliqning simwuli
süpitide éğiz tekküzdi. Bügünki roza héytta Istanbul
şehride yaşawatqan Uygur balilirining oylaydiğanlirimu
özgiçe idi. Biz Uygur balilirining könglini bilip béqiş
mexsidide Gülnigar Şawketni ziyaret qilduq.
MUHBIR: yahşimusiz ?
Gülnigar Şawket: yahşi.
MUHBIR : anglisaq bu sizning Türkiyede tunji qétim héyt
ötküzüşingiz iken qandaq tesiratlarda boluwatisiz?
Gülnigar Şawket: hem hoşal boluwatimen hem könglüm yérim
boluwatidu. Hoşalliqim şuki Uygurlarğa sahip çiqqan
Türkiyede héyt qutliğanliğim üçün tolimu hoşalmen. Emma
biz öz wetinimizde erkin hoşal oynap külüp héyt ötküzgen
bolsaq téhimu yahşi bolğan bolatti. Epsuski wetinimiz
Xitay işğalida bolğanliği üçün mendek Uygur baliliri ata
anilirimizğa egişip başqa memliketlerde héyt ötküzüşke
mejbur boluwatimiz. Bowam, momam we başqa uruq -
tuqqanlirimiz bilen héyt ötküzüş manga her yili başqiçe
hoşalliq biretti. Emma bu yil ular bilen birlikte héyt
ötküzelmigenligim üçün könglüm bek yérim. Ularni bek
séğindim emma amal yoq wetengebaralmaymizde!.
MUHBIR: Undaqta wetendiki dostliringizğa, bowa
momiliringizğa éytidiğan qandaq yürek sözliringiz bar?
Gülnigar Şawket: men Türkiyege kélip özemning Uygur
ikenligimdin çeksiz pehirlendim, özemning Uygur tilining
igisi ikenligimdin çekksiz pehirlendim çünki Türk
dostlurum mini Şerqiy Türkstandin bir Uygur hun qizi
keptu, Mehmud Qeşqiri, Yüsüp Has Hajipning yurtidin
keptu dep oruwilişti we mihribanliq bilen mini qoyniğa
élişti. Men buningdin çeksiz söyündüm. Men wetendiki
dostlirimğa bu ehwallarni yetküzüş arqiliq özlirining
mustemlikide yaşawatqan Uygur ikenligidin
umidsizlenmesligini arzu qilimen. Türklernimu burun
nurğun döwletler bésiwalğan iken. Lékin ular
qehrimanlarçe otturğa çiqip nurğun millet boluşidin
qeti'i nezer ularni yenggen iken. Lékin bizni birla
millet işğal qildi. Bu bizning könglimizni yérim
qilmasliği kérek. Küçlük turuşimiz kérek. Héç arqiğa
çékinip ketmesligimiz kérek. Wetendiki dostlirimğa
yuqurdiki sözlirimni yetküzüş arqiliq ularning héytini
mubarekleymen.
MUHBIR: rehmet sizge.
Gülnigar Şawket: sizgimu rehmet. |
|
