Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

5 ) Qumdiki Bowaq

 Qaratağ Neşriyati – Qumul   

“Uygur Ayğa Çiqti”

“Töge Kördungmu? Yaq, Kormidim!”
__ Dohmuştikilerning söhbitidin ......

     Alem kimisining derizisidin payansiz ketken Tektimakan çölligi guya insan ayiği tegmigendek ilan bağri sözulup yatmaqta idi.
     U, alem kimisi içide sel tewrinip qoyup, eynek baş kiyimi içidin udulidiki qatar – qatar tizilğan her xil renglerdiki kunupka – signal lampuçkilirini bir qur küzitip çiqti. Herxil xrüstal ekranlardiki tinmay özgirip turğan koordinat siziqliri rakitaning uçuşqa teyyar halğa kelgenligidin bişaret bérip turatti.
     U, intayin hayajan bilen ahirqi minotlarni kütmekte idi. Uning çirayi yénidiki hemraliriningkidin endişilik körüngendek qilsimu, uning qoruq basqan yüzliri hayajan, xoşalliq, meğrorliniş, ensireş, ... qataridiki qalaymaqan hisiyat alametliri bilen tolğan idi. U, wétini Şerqiy Türkistanning tunji alem kimisi içide kainat boşluqiğa uçuşning eng ahirqi péytlirini xoşalliq we endişilik bilen kütmekte idi. “Mana qara, bizningmu suni hemirayimiz, hetta alem kimimiz bolidiğan künler kélidiken – he!” – U, hayajan bilen kulumsirep qoydi.
     Uning yürek herkiti barğansiri tizlişip, jiddilişişke başlidi. Yüz – közlirimu bir qizirip, bir tatirip uni ensiritişke başlidi. “Yaşanğanliğimning alamitimu – qandaq? – Tetqiqat guruppisidikiler uning bu alem sayahiti üçün alahide zor küç çiqarğanliğini mukapatlaş yüzisidin, tunji uquşqa uni mes’ol qilip qararlaşturğanidi. – Buning hoddisidin çiqalarmenmu? –      U, ensireş bilen ornida qimirlap qoydi. – Xudayim manga medet bergeysen!” – dep özini özi riğbetlenduruşke tirişatti.
     “Uçuş teyyarliği tamamlandi! ... On, ... toqquz, ...” – Keynige sanaş başlan’ğanidi.
     Uning yurigi téximu küçluk dupuldeşke başlidi. “Xudayim, küç – quwwet ata qilğaysen, – Amin!” – dep du’amu qiliwaldi. Uning hayajini çeksiz xoşalliq bilen arlişip ketkenidi. Intayin lezzetlik dunyağa kirip qéliwatqandek, özini dunyadiki birdin – bir bexitlik insandek his qilişqa başlidi.
“... tot, ... uç, ...”
     Endi u, xoşalliğidin hayajanlinip öpkisi ağziğa tiqilip qalğandek bolup ketti.
“... ikki, ... bir, ...”
     Birdinla köz aldi yurup illiq, huzurluq bir muhitqa kirip qalğandek, çeksiz xoşalliqtin yürek soquşlirimu toxtap qalğandek bilinmekte idi. Uning üçün guya waqit toxtap qalğandek, ene şu bexitlik halitide menggu qalidiğandek hisiyatlarda bolmaqta idi: “Nime digen lezzetlik minotlar bu! – Piçirlap qoydi u, _ Jennetke kirip qalğandekla bexitlik his qilmaqtimen. Yaki rastinla jennetke kitiwatamdim – qandaq? – Çeksiz bexitlik hisiyat içide kélime şhadet yéngiliwaldi, - La Ilahe Illallahu, Muhemmidin Rosolillah!”
“Gulduuur!” U, qattiq bir silkilnişni tuyğandek qildi. ...

     Kariwatta yatqan bu kiselning yénida olturuşqan yiziliq ikki boway, yatqan kiselning buğuq xiqiraşliridin kiyin çiqarğan awaziğa diqqet qilişti: “... La Ilahe Illallahu, Muhemmidin Rosolillah!”
“Jim, biçare şahadet yéngilawatidu!” – didi bowaylardin birsi, hemde her ikkila boway orunliridin turuşti. Yatqan kisel küçluq bir silkilinip jimip qaldi.
Sel kutup turğandin kéyin yanda ore turuşqan buwaylardin birsi aldiğa ingişip turup yatqan kiselning aqirişqa başliğan uruq biligini tutup kördi: “U ketti, uni Allah rehmet qilsun!” – didi. Ikkisi miyitning aldida turup uzundin – uzun’ğa piçirlişip du’alar uquşti. Andin miyitning ingigini qoşturup bolup, üstini aq kirlik bilen yipip oydin çiqişti.
     Kitiwitip bowaylardin birsi yénidikisige dédi: “Bu biçare şunçe yiraq yerlerdin kilip yap – yalğuz tirikçilik qildi. Axiri muşuning üçünmu bunçe yerlergiçe kelgen bolğiymidi?”
“Kelgen yirini nime digenti? – soridi yene bir boway, - Türkistanmu – Turkmenistanmu? U yerlerni bekla yiraqta diyişidu, şundaqmu?”
     “Biçare téxi aldinqi künigiçila işlep yuretti. – didi buwaylardin birsi, _ Bügün pişin’ge çaqirğili kirmisem, uning ağrip yitip qalğanliğini nedinmu bilettuq, hey biçare!”
“Rast digendek, kélime şahadet éytqinidin kéyin nimişke şunçe qattiq silkilinip ketti?” – dep soridi bir boway yénidikisidin.
     “Jan çiqiwatqinida şundaq bolidu diyişidiken. – didi bowaylardin birsi jawaben, _ Biçare halal işligini üçün imani bilen ketti.” – dep, ikkisi tengla tekbir keltürüşup doxmuştiki yiza mesçitige yurup kitişti. ...
     Qaysi bir yurtdişimiz şunçe tatliq tamaliri bilen qaysi bir elning çet bir yizisida ene şu şekilde u alemge ketti. Yene qançiliğan yurtdişimiz ene şu xildiki uluğwar ğayiliri bilen yene nelerde u alemge kitiwatidiğandu?!
Hey, Biçare Uygurlar!

( Datami bar )

©UÇQUN-KIVILCIM - 10/11/2002 06:30  Hazirliğuçi: A. Qaraqaş