Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

Shimaliy Koriye Yéngi Modil Bashqurilidighan Bomba Sinaq Qilmaqçi

ETIC universal hewiri, 2004-yili 12-may Germaniyedin Alimjan: Jenubi Koriye medialirining 6-maydiki xewerliride, Shimaliy Koriye bir xil yéngi tiptiki Amerika tuprighigha yeteleydighan bashqurilidighan bomba sinaq qilishqa teyyarliq qiliwetiptu, buninggha qarita Amerika we Jenubi Koriye sinaq bazisigha bolghan çarlashni köçéytiptu. Yopon bilen Zhongguo keler qetimliq Shimaliy Koriye atom kirizisi yighinida bolidighan muzakiridiki köz qarashlirini birlikke keltürgen hem Yopon Shimaliy Koriye görige elinghanlar mesilside bezi ilgirleshler bolghan bolsimu. Bu xil „Da Pu Tong 2-Tip“ dep atalghan bashqurilidighan bomba rakitasining 1-ügisi Zhongguo yasighan suyuq yequlghuliq rakita qurilmisidin tüzilgen, ikkinçi ügisi „Lu Tong“ rakitasidin tüzilgen. Bu bashqurilidighan bombining musapisi 6000 km bolup, Amerika tuprighigha yeteleydiken. Shimaliy Koriye bu bomba mesilsini Amerika bilen qilidighan söhbette( 6 terep) kozir qilmaqçi. Buningdin sirt, keler qetimliq Tokyoda ötküzilidigha 6 terep yighinida Yopon bilen Zhongguo birlikte Shimaliy Koriyege besim ishlitip atom pilanidin waz keçtürishke wedileshken idi, eger Shimaliy Koriye bininggha qoshilsa herqaysi döletler ixtisadi yardem qilmaqçi. Buning aldidila, Yapon bilen Shimaliy Koriye Beijingda 2 kün görige elinghanlar mesilsi üstide söhbetliship netijilerge erishken idi. Yapon terep Shimaliy Koriyening tez arida, shertsiz ular göröge eliwalghan Yaponliqlarning Pingrangdiki aile tabaatlirini qoyup bérish meydanida çing turdi. Bu pirinsip astida Yapon ikki dölet munasiwitini normallashturush mesilsini we Shimaliy Koriye otturgha qoyghan ixtisadi yardem qilish iltijasini muzakire qilishni xalaydu. buninggha qarita Shimaliy Koriye burunqi jahilliq bilen turiwalghan shertini tekrarlimay bu mesilini oyliship jawap béridighanlighini éytti.

©UÇQUN-KIVILCIM - 20.02.2005 15:26  Hazirliğuçi: A. Qaraqaş