Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

Xitay Amerikigha Qarshi Mexpi Halda Alahide Qoral Ishlep Chiqirip Urushqa Teyyarliq Qiliwatidu

„Associated Press“ agentlighi mundaq dep xewer qilidu, Xitay Mudapie Ministirligi, Amerika bilen Iraq otturisida bolghan urush netijisini tetqiq qilip, Amerika kelechekte Xitaygha hujum qilip qalsa qandaq mudapielinish pilanini özgertip chiqmaqchi boluwatidu. AQSH Dölet Mudapie Ministirligi (Pentagon) Xitay hökümitining herbi küchi toghrisida mexsus doklat teyyarlap Kongressqa sunup bu uchurni bayan qilghan.

Amerika ve shundaqla Xitayning bayan qilishiche, Taiwen mesilisini nezerde tutqan halda ikki dölet birsi birsi bilen tutushup qalidighandek turidu.

Hazirgha qeder Xitayning köz qarishi boyiche, eger Amerika Taiwen mesilisige asaslinip Xitaygha hujum qilip qalsa, u hujum „Kosovo scinariyesi“ge ohshash bolup qelishi mumkinligini perez qilishqan edi. Bügün bolsa u perezlerdin pütünley vaz kechip, Amerikining Xitaygha qurughluq herbi armiyisi bilen chégrani buzup kirishini pilanlawatqanlighini yekünlimekte.

Xitay generalliri, Pentagonning pilanigha asaslinip, Xitayning hawa, qurughluq ve déngiz armiyilirining taktika ve strategiyelirini jiddiy halda özgertmekchi boluvatidu.

Xitay herbi tetqiqatchiliri yene mundaq dep yekünlimekte, Amerika kelechekte Xitaygha hujumni Hindistan ve Pakistan döletliridin bashlaydighanlighini pilanlawatidu, shuning üchün Amerika bu döletler bilen boluwatqan diplomatiye ve herbi munasiwetlirini yahshilashqa tiriship, Özbekistanda mewjüt bolup turiwatqan Amerika herbiy baziliridin paydilinidu.

Pentagonning dokilatida Xitaymu Amerikining herbi bazilirigha qarshi hujum qilishining pilanini tüzüwatqanlighini ve „Assassin’s mace“ namliq yéngi bir qoral ishlep chiqirish aldida turiwatqanlighini élan qilghan.

Öz muxbirimiz FIDA teyyarlidi

©UÇQUN-KIVILCIM - 20.02.2005 15:26  Hazirlighuçi: A.Qaraqash