Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

Zhongguo 5 - Qétim Dunyadiki Eng Köp Muxbirlarni Türmige Taşliğan Dölet Bolup Bahalandi

Erkin Asiya Radio muxbiri Umid xewiri: dunya „ muxbirlarni qoğdaş komititi“ 3-ayning 11-küni yilliq doklat élan qilip, 2003-yilliq dunyaning herqaysi jayliridiki axbarat erkinligi ehwalini xulasilidi. Doklatta munular körsitilgen: 2003-yili jemi 36 neper muxbir xizmet üstide qurban bolğan, 136 neper muxbir qamaqqa elinğan. Zhongguo beşinçi qétim dunyadiki eng köp muxbirlarni türmige taşliğan dölet bolup bahalandi.
„ Muxbirlarni qoğdaş komititi“ munularni élan qildi: 2003-yili qurban bolğan bu 36 neper muxbirning 13 nepiri Iraq uruşi mezgilide qurban bolğan. Lékin peqet uruşla muxbirlarning hayatiğa xewip yetküzwatqan asasliq amil emes. Nurğun döletlerning hökümiti axbarat wastiliriğa yuquri bésimliq başquruş yürgizip, ularni nazaret qiliş hetta türmige taşlaş qatarliq wastilerni qolliniwatidu. Mesilen; türmilerdiki bu 136 neper muxbirning 39 nepiri Zhongguoda, 29 nepiri Kubada. Zhongguo dawamliq dunyadiki eng köp muxbirlarni türmige taşliğan dölet bolmaqta. Internetning omumlunişi axbarat xadimlirini yéngi purset bilen teminlidi hem ularğa belgilik xewiplerni keltürdi. Ötken yili Zhongguo internette oxşaşmiğan köz qaraşlirini élan qilğan 6 neper kişini türmige taşlidi. Reuter agentliğining 9-çesladiki xewirideHongkong „Alma kündilik geziti“ning demokiratiyeni qollaydiğan 3 muxbiri şu küni Beijingde qolğa elinğan, arqidinla çegridin qoğlap çiqirilğan. Bu ehwall Zhongguo dairlirining Hongkongdiki demokiratiyéçilerni qopalliq bilen tosaş dolqiniğa toğra kelgen. Çünki“alma kündilik geziti“ Beijingning bu herkitige izçil qattiq tenqitte bolup kelgen idi. Lékin bu 3 neper muxbir Hongkongğa qaytqandin kéyin hayati xewipke uçrimiğan.

The Epoç Time din Alimjan terjime qilğan. 2004-yili 19-mart, Germaniye.

©UÇQUN-KIVILCIM - 24/03/2004 09:30  Hazirliğuçi: A. Qaraqaş