Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

60 - Nöwetlik BDT Insan Heqliri Yiğini Éçildi

6 hepte dawamlişidiğan 60-Nöwetlik BDT Insan Heqliri Yiğini 3-ayning 15-küni Shwissariye Jenwede başlandi. Amerikining Zhongguo insan heqliri xatirsini tenqitlep sunğan teklip lahiesige Beijing qattiq reddiye berdi. Zhongguodiki insan heqlirining haliti kişilerning diqqitini qozğidi. Amerika dölet işliri insan heqliri bölimidiki Jarrett Basedow ependi 12-mart muxbirğa mundaq digen; ötken yilqi BDT Insan Heqliri Yiğinida Amerika Zhongguoni tenqitleydiğan qarar lahiyisige qoşulmiğan hem bu arqiliq Beijingning yaxşi terepke mengişini istigen idi. Lékin Amerika Umidsizlengen halda şuni bayqidiki, ötken yili Zhongguo insan heqliri terepte arqiğa çekingen. Şunglaşqa biz keler hepte éçilidiğan yiğinda teklip lahiesi sunuş arqiliq Zhongguoni insan heqlirini depsende qilişni ayaqlaşturişqa dewet qilişni jiddi oylişiwatimiz. 3-ayning 3-küni, Amerika parlamenti 402 awazğa qarşi 2 awaz bilen 530 - qarar lahiesini maqullap bu qétimqi BDT insan heqliri yiğinida Amerika hökümitini teklip lahiesi otturğa qoyup, Zhongguoni insan heqlirini depsende qilişni ayaqlaşturişqa we xelqara etirap qilidiğan insan heqliri ölçimige yétişke ündeşke çaqirğan. 3-ayning 9 -küni, Beijing özining insan heqliri xatirsini aqlap, ixtisadi tereplerde qolğa keltürgen ğelibilirining insan heqliri tereplerde ilgirleş bolğanliğinimu körsitidiğanliğini éytti. Zhongguo hökümiti yéqinda siyasi jinayetçi Wangyuocaini we 15 yil zindanda yatqan Tibet rahibesi Pingcouniezhenni qoyup berdi. 3-ayning 3-küni meşhur Uygur ayal karxaniçi Rabiye Qadirning jaza mudditini 1 yil qisqartti. Amerikidiki Zhongguoluq demokiratçi Xüwenli Amerika Awaziğa mundaq didi; bu peqetla Zhongguoning ezeldin işlitip kéliwatqan göröge elinğanlar diplomatiyesi, peqetla xelqaraning bésimini azlitiş üçündur, bu arqiliq herqaysi döletlerni Insan Heqliri Yiğinida Zhongguoni eyipleydiğan qarar lahiesige qoşulmasliqqa qayil qilişni qolğa keltürüşni Umid qiliştur. Öz puxralirini göröge eliwélip kozir qilip siyasi aldamçiliq mexsidige yétişni oylaşning özi insan heqlirini depsende qilişqa yatidu. Xelqara keçürüm teşkilatining Washington Asiya bölimining başliği T. Kumar ependi 12-çesla mundaq didi: Zhongguo ixtisadining éşişi, insan heqliri ehwallirining yaxşiliniwatqanliğidin derek bermeydu, hazir Zhongguoda mingliğan, onmingliğan siyasi jinayetçiler zindanda.

The Epoch Time din Alimjan terjimisi, 2004-yili 18-mart, Germaniye

©UÇQUN-KIVILCIM - 24/03/2004 09:30  Hazirliğuçi: A. Qaraqaş