Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

8 ) Qirghizistandiki Siyasi Kirizis Tüpeylidin, Sherqiy Türkistandin Qirghizistangha Qatnaydighan Yoluchilar Aptawuzliri Toxtutuldi

< Xinjiang géziti > ning xewer qilishiche, Qirghizistandiki siyasi kirizis tüpeylidin, Sherqiy Türkistandin Qirghizistangha qatnaydighan yoluchilar aptawuzlirining qatnishi toxtutup qoyulghan.

Buyil 4 – ayning 8 – künidin étibaren Qirghizistandiki hökümetke qarshi öktichi küchler Bishkek shehride naraziliq pa’aliyetlirini bashlighan we özlirining bu pa’aliyetlirining muddetsiz dawam qilidighanliqini jakalighan idi. Öktichi küchler, Qirqizistanning pirezident saylimini muddettin burun ötküzüsh we Qirghizistanning asasi qanunini özgertishni telep qilishmaqta.

Shundin buyan hökümet terep Bishkek shehrige esker toplash bilen birge, chetel mashinilirining Bishkekke kirishini chekligen idi.

Qirghizistandiki bu siyasi kirizis, Sherqiy Türkistanning Torghat chégra éghizining yoluchi we yük tiransiport ishlirighimu biwaste tesir körsetken bolup, köp miqdardiki Xitay méli chégra éghizigha qapsilip qalghan.

©UÇQUN-KIVILCIM - 16.04.2007 22:32  Hazirliğuçi: A. Qaraqaş