Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

6 ) Ötken Yili Peyziwat Nahiyesidin Xitaygha Ketken 80 Neper Uyghur Qizi Qaytip Keldi

< Xinjiang géziti > ning xewer qilishiche, ötken yili 4 – ayda Qeshqerning Peyziwat nahiyesidin Xitayning Zhe Jiang ölkisige ishlemchilikke élip kétilgen 80 neper Uyghur qizi 4 – ayning 11 – küni poyez bilen Ürümchige qaytip kelgen.

Peyziwatning Yéngi mehelle yézisidin barghan Uyghur qizi Gülpiyaz Tohti Xitay muxpirigha, < bir yil ichide ayilemge 500 yuan iwetip berdim, deslepki bir – ikki ay biraz qiynaldim, eng yaxshi ishligen aylirim 1200 yuan aldim > dep jawap bergen.

Ötken yili Xitaygha mang’ghanda bir éghizmu Xitayche bilmeydighan Gülpiyaz, bu qétim Xitaychini sudek sözleydighan bolup kelgen.

Yuqarqi xewerde körsütülishiche, bu 80 neper qiz ayilisidikiler bilen körüshkili kelgen bolup, ulardin perqet 30 nechchisila yene qayta bérip ishleshke maqul bolghan, qalghanliri bolsa yurtida qalidiken, emma ularni ishletken Zhe Jiang shirkiti bu Uyghur qizlardin nahayiti razi bolghan we ularning hemmisining qaytip kélishini arzu qilidiken. Bu shirket Peyziwat nahiyesidin yene bir türküm Uyghur qizlirining seperwer qilip özlirige iwetip bérishni telep qilghan.

Xitaydin qaytip kelgen 80 neper qizdin 50 nepirining qayta bérishni ret qilghanliqi, bu bichare qizlarning Xitayning ichki ölkiliride nahayiti éghir künlerni béshidin kechürgenlikini ispatlap turmaqta.

©UÇQUN-KIVILCIM - 16.04.2007 22:29  Hazirliğuçi: A. Qaraqaş