Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

3 ) Hotende < Qosh Tilliq Yesli > lerge Bériwatqan Uyghur Ösmürliri Ata – Anilirigha Xitayche Salam Bérishke Bashlidi

< Xinjiang géziti > ning 4 – ayning 11 – künidiki xewiride körsütülishiche, Xitay hökümiti, Hotenning Lop nahiyeside mektep yéshidiki balilarning 3 ten bir qismi < qosh tilliq mektep > lerge kirishtin burunqi < qosh tilliq yesli > lerge orunlashturup bolghan. Bu yeslilerde oquwatqan Uyghur ösmürlirining sani 1700 din ashidiken.

Lopning Buyamazar kentidiki déhqan Ablat Semet Xitay muxpirgha bu heqte toxtulup, < burun men peqetla Xenzuche bilmeyttim, her küni balamni yeslige apirip – ekelgiche balamdin bir nechche éghiz Xenzuche ögüniwaldim, balam men bilen körüshkende “ Ni xao „ deydu, xoshlashqanda, “ zai jian „ deydu, yene balam mekteptin kélip manga xenzuche naxsha eytip béridu, burnumni, quliqimni we közümni körsütüp turup unung Xenzuchisini dep bérip manga ögütüp qoyidu > dep jawap bergen.

Uyghur déhqanning yuqarqi jawapliri, Xitay hakimiyitining Uyghurlarni atsimilatsiye qilishta neqeder zor ilgirlesh hasil qilghanliqini ispatlap turmaqta.
 

©UÇQUN-KIVILCIM - 16.04.2007 21:26  Hazirliğuçi: A. Qaraqaş