Heptilik Siyasiy Ilmiy Gezit - Şerqiy Türkistan Informasyon Merkizi Nesir Qildi

10 ) Xitay Hökümiti Qazaq Yashlirinimu Ichki Ölkilerge Yötkeshke Bashlidi

Xitay hakimiyiti Sherqiy Türkistanda yürgüziwatqan atsimilatsiye siyasitide, Uyghurlar bilen birge yene Qazaq, Qirghiz qatarliq yerlik milletlerni Xitaylashturushnimu asasi nishan qilip kelmekte.

Yéqinqi yillardin buyan Xitay hökümiti zor bir türküm Uyghur déhqan qizlirini < ishlesh > digen nam bilen Xitayning ichki ölkilirige iwetishke bashlighan idi, emdilikte bolsa Xitay hökümiti Sherqiy Türkistanning shimali rayonliridiki Qazaq charwichilarning qizlirinimu türlük chirayliq wediler bilen Xitayning ichki ölkilirige yötkeshke bashlighan.

Mesilen, < Xinjiang géziti > ning 4 – ayning 13 – küni xewer qilishiche, Altay wilaytitige qarashliq Burultoqay nahiyesining Shixanjide yézisidin 10 neper Qazaq yash Xitayning Guang Zhou shehridiki bir zawutqa ishlemchilikke iwetilgen.

Yéziliq hökümet bu Qazaq yashlirini qayil qilishta, < bir ayliq turmush pulunglar aldin bérilidu, yéziliq hökümettin adem qoshup iwetimiz, ayda 1200 yuan pul tapisiler > digendek wedilerni bergen.

Yuqarqi xewerde körsütülishiche, bu yézidiki Qazaq charwichilarning köpünchisining tériydighan yéri yaki baqidighan charwisi yoq bolup, ular medikarchiliq bilen turmush kechüridiken we kishi béshigha toghra kélidighan yilliq kirimi aran 1000 yuan etrapida iken. .

©UÇQUN-KIVILCIM - 16.04.2007 22:36  Hazirliğuçi: A. Qaraqaş