|
 <
Germaniye dolqunliri > radiosining xewer qilishiche,
Germaniye tereqqiyat ministiri Heide Marie xanim
Xitayning Afriqigha qaratqan siyasitini qattiq tenqit
qilghan.
Marie xanim mundaq dep körsetken: < Beijing hökümiti
Afriqa chong quruqluqida özlirining menpeetliri üchün
herqandaq wastini qollunup kéliwatidu, shu jayning
emiliy ehwalini qilche nezerge alghini yoq, Xitay
döwliti, gherip elliridin igilikini tereqqi qildurush
üchün qerz pul alghan afriqa döwletlirining beshini
aylandurup, ulargha bizdin alghan pul bilen heshemetlik
pirezident mehkimilirini we ministirlik binalirini sélip
beriwatidu >.
Marie xanim, Xitayning afriqigha qaratqan siyasitide
shexsiyetchilik bilen pütünleyla özining menpeetini
chiqish qilghanliqini, Afriqa döwletlirining chiriklikke
qarshi turush we demokratiye jehette ilgirlesh hasil
qilish pirinsiplirini qilchimu nezerge almighanliqini,
Xitayning buxil siyasitige hette bezi afriqa
elliriningmu etirazda boluwatqanliqini, shunga Xitay
hökümitining afriqigha qaratqan siyasitini jezmen
özgertishi lazimliqini eskertken.
Marie xanim yene, < eger Xitay dayirliri Afriqa
siyasitini islah qilmisa, Germaniye hökümiti Xitaygha
beriwatqan tereqqiyat yardimini toxtutishi lazim > dep
körsetken.
Germaniye hökümiti ötken yili Xitaygha enirgiye
menbelirini échish, AIDS wirusining aldini élish, Qanun
we iqtisat xadimlirini terbiyilesh türliri üchün 68
milyon EURO yardem qilghan idi.
|
