Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

6 ) Xitay, Sherqiy Türkistanning Néfit Ishlepchiqirish Miqdarini 60 Milyon Tonnigha Yetküzmekchi

Sherqiy Türkistanning néfit bayliqini talan – taraj qilish qedimini tezlitish, Xitay hakimiyiti teripidin otturigha qoyulghan atalmish < chong gherbi shimalni échish stiratigiyési > ning mohim bir parchisi. Emma Xitay hökümiti téxnika we meblegh jehette ajiz bolghachqa, Sherqiy Türkistandiki néfit mexsulatini ashurushta közligen meqsidige yételmey kelgen we yilliq ishlepchiqirish miqdari 20 – 30 milyon tonna etrapida cheklinip kelgen idi.

< Tianshan tori > ning 10 – ayning 25 – küni xewer qilishiche, bu qétim Ürümchide chaqirilghan < aptonom rayonluq partiye qurultiyi >da, 2010 – yili Sherqiy Türkistanning yilliq néfit ishlepchiqirish miqdarini 60 milyon tonnigha yetküzüsh wes hu arqiliq Sherqiy Türkistanni Xitay boyiche eng chong néfit ishlepchiqirish bazisigha aylandurush pilanlanghan.
Emma yighinda, Sherqiy Türkistandin ishlepchiqirilidighan néfit we Teniygazdin yerlik hökümetning pay élip – almaydighanliqi tilgha élinmighan.

Bezi gheyri resmi statiskilarda körsütülishiche, yerlik qorchaq hökümetning bu jehette alidighan peyi 2 – 3 pirsent etrapida.
< Aptonom rayonluq partikom > ning sabiq sekritarliridin Song Hanliang eyni chaghda merkizi hökümettin Sherqiy Türkistandin élinidighan néfit – Tebiygazdin yerlik hökümetke 10 pirsent payda ayrip berishni telep qilghini üchün, merkizi hökümet uni sekritarliqtin élip tashlighan idi.
Yuqarqi xewerde körsütülishiche, 2010 – yiligha barghanda, peqetla Qaramay néfitlikining yilliq néfit ishlepchiqirish miqdarila 30 milyon tonnigha yetküzilidiken.

©UÇQUN-KIVILCIM - 25.10.2006 17:21  Hazirliğuçi: A. Qaraqaş