|
Öz xewirimiz: Sherqiy
Türkistan xelqimu dunya musulmanliri qatarida 10 –
ayning 24 – küni Rozi héytini kütiwaldi.
Wetendin kelgen xewerlerde körsütülishiche, Hökümet
terep héyit munasiwiti bilen, idare – jemiyetlerde
ishlewatqan musulmanlargha bir künlük dem élish
bergen.
Xitay dayirliri yene kona aditi boyiche, héyit
namizidin burun < bixeterlikni saqlash > digen namda
pütün sherqiy türkistanning her qaysi jayliridiki
nuxtuluq mesjidlerning aldi – keynige mexsus amanliq
saqlash xadimlirini orunlashturghan, héyit harpisida
her derijilik diniy ishlar idariliri her qaysi
mesjitlerning imam – mayzinlirigha, héyit namizini
uzartmasliq, hutbe we namazni qoshqanda 20 minuttin
ashuriwetmeslik heqqide qattiq agahlandurghan.
Yene bir tereptin, Xitay bixeterlik tarmaqlirimu
mesjit we Qewristanliqlargha puxrache kiyingen
jasuslarni orunlashturup, kishilerning gep – söz we
yürüsh – turishini küzetken, gumanliq dep qarighan
kishilerni, bolupmu bashqa yurt we mehellilerdin
kelgen jama’atni soal – soraqqa tartqan. Namazdin
kéyinmu jama’etning mesjid etrapidin tezirek
uzaqlishishi heqqide tenbih bergen.
Xitay dayirliri chetellik sayahetchilerning diqqitini
qozghimasliq üchün, shekil üchün mexsus sen’et
ömeklirini teshkillep, Héytgah we bezi nuxtuluq
mesjidlerning aldida sama orunlashturghan.
Xitayning resmi statiskilirida körsütülishiche,
nöwette Sherqiy Türkistanda 10 millet Islam dinigha
etiqat qilidu we ularning omomiy sani 11 milyon.
Bularning mutleq köp qismi Uyghurlar bolup,
hökümetning deptiridiki sani 8 milyondin köpirek.
Emma chetellik nopos mutexesisliri nöwette
Uyghurlarning noposini 18 – 20 milyon etrapida dep
texmin qilishmaqta. |
