Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

4 ) Tibetlikler, < Tibet Mediniyet Heptisi > ge Naraziliq Bildürdi

Buyil Xitay bilen Awustiriyening deplomatik munasiwet ornatqanliqining 35 – yilliqi bolup, bu munasiwet bilen Xitay hökümitining teshkillishi bilen Awustiriyening paytexti Weiyenada 10 – ayning 18 – künidin etibaren < 2006. Zhungguo tibet mediniyet heptisi > pa’aliyiti ötküzülüshke bashlanghan idi.

Awustiriyediki Tibet teshkilatining mesuli Tseten Zöchubauer xanim bayanat élan qilip, < Xitay teripidin meqsetlik halda orunlashturulghan bu atalmish Tibet mediniyiti heptisi, mahiyette Tibet xelqighe qilinghan haqarettin ibaret > dep körsetti.

Tseten Zöchubauer xanim, Xitay hakimiyitining Tibet xelqini diniy etiqatidin waz kéchishke qistawatqanliqini, Tibet mediniyitini éghir derijide buzghunchiliqqa uchratqanliqini, Tibet xelqighe qaratqan besim we qirghinchiliq siyasitini toxtatmighanliqini, téxi yéqindila bir Tibetlik ayalning Nepal chegrisida Xitay eskerliri teripidin öltürülgenlikini bayan qilip, Xitay teripidin orunlashturulghan yuqarqi pa’aliyetning pütünley bir siyasi aldamchiliq ikenlikini tekitlep ötti.

Xitay hökümiti teripidin bu qétim Awustiriyede ötküzülgen < Tibet mediniyet heptisi > pa’aliyiti, 2001 – yilidin buyan Xitay hökümitining chetellerde bu mezmonda ötküzgen 6 – qétimliq pa’aliyitidin ibaret.

©UÇQUN-KIVILCIM - 25.10.2006 17:18  Hazirliğuçi: A. Qaraqaş