Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

5 )   Hey Ismayil Tiliwaldi, Lenet Sendek Uyghurgha!

< Xinjiang iqtisat géziti > ning xewiride körsütülishiche, < aptonom rayon > ning reyisi Ismayil Tiliwaldi 10 – ayning 23 – küni < aptonom rayonluq 6 – nöwetlik partiye qurultiyi > gha qatnishiwatqan Qeshqer wekiller ömigining muzakire yighinigha qatniship qilghan sözide, < Xinjiangning iqtisadi tereqqi qildi, jemiyet amanliqi muqim, xelqning turmush sewiyesi körünerlik derijide yuquri kötürüldi, Xinjiang nöwette tarixtin buyanqi eng tereqqi qilghan basquchta turmaqta > dep körsetken.

Tianshan tori > ning xewiride körsütülishiche, téxi ikki kün burun, yeni 10 – ayning 21 – küni, Qeshqer wilayetlik partikomning sekritari Shi Da Gang bu qétimqi qurultayda söz qilip, < eger jenobi Xinjiang halliq sewyege yetmise, pütün Xinjiangning halliq sewiyege yétishi mumkin emes, Qeshqer wilayiti bolsa Xinjiangning yéza igilik chong rayoni we nopos chong rayoni bolup, qeshqerdiki déhqanlarning sani pütün Xinjiangdiki déhqanlarning omomiy sanining 6 den bir qismini teshkil qilidu … emma herxil amillar tüpeylidin déhqanlarning kirimini ashurush intayin tes boluwatidu, ötken yili kishi beshigha toghra kélidighan otturiche kirim aldinqi yildikige qarighanda 200 yuan ashqan bolsimu, emma peqetla 1800 yuan etrapida bolup, peqetla déhqanlarning qursughini toyghuzush mesilisi hel qilindi > dep körsetken idi.

Biri Uyghur, biri Xitay ikki insanning oxshash makanda qilghan we bir – birige tamamen zit yuqarqi sözliri, Xitay hakimiyitining ketminini chepiwatqan qorchaq reyislerning neqeder bichare we neqeder yirginishlik bir hayat kechüriwatqanliqini éniq körsütüp turmaqta.
< aptonom rayonluq partikom > ning birinchi mu’awin sekritari we < aptonom rayon > ning reyisi bolup turiwatqan bir insan, bir wilayetke sekritar bolup turghan bir Xitaychilikmu bolalmighan.

©UÇQUN-KIVILCIM - 25.10.2006 17:46  Hazirliğuçi: A. Qaraqaş