|
< Yawropa Sherqiy
Türkistan Birliki > teripidin uyushturulghan bu qétimqi
musabiqighe 25 ösmur qatnashti we musabiqe yash ölchimi
boyiche 3 guruppigha bölüp élip bérildi we musabiqe
netijiside her bir guruppidin 1-2-3 - bolghanlar tallap
chiqilip, türlük maddi buyumlar bilen mukapatlandi.
Bu qétimqi musabiqe, München shehride yashawatqan
Uygurlarning, bolupmu ata - anilarning zor qiziqishini
qozghidi, musabiqe jeryanida, Uygur ösmürlirining
hemmisining digüdek imtahan soallirini nahayiti yahshi
meshiq qilghanliqi koruldi we imtahangha qatnashqan
ösmürler soallargha toluq jawap bergini üçün, imtahan
alghan heyet 1-2 - 3 - bolghanlarni tallashta zor
qiyinchiliq tartti we netijide imtahan birqanche qétim
tekrarlandi, qiziqarliq yeri, ikkinchi guruppidiki ( 9
yashtin 13 yashqiche bolghanlar ) ösmürlerdin tekrar 3
qétim imtahan élinghan bolsimu, emma 4 neper ösmür arqa
- arqidin toluq nomur alghini üçün, imtahan heyiti bu 4
neper ösmürning hemmisini 1 - qilip mukapatlashqa mejbur
boldi.
Bu qétimqi musabiqe 3 guruppigha bölüp élip bérildi, 6 -
9 yashqiche bolghan ösmürler üçün ayrim soal, 10 - 13
yashqiche bolghanlar üçün ayrim soal we 13 yashtin
yuqurilar üçün ayrim soal teyyarlandi. soallar tarix,
jughrapiye, til - edebiyat,din, siyaset ... qatarliq
keng mezmonlarni oz ichige alghan bolup, putun soallar
digüdek Sherqiy Türkistan we Uygurlargha munasiwetlik.
Musabiqini teshkilleshtiki asasiy meqset, Germaniyede
yashawatqan Uygur ösmürlirining ana tilini, milliy we
diniy alahidiliklirini qoghdap qélish we kücheytish,
shundaqla ularning ana wetini - Sherqiy Türkistangha
bolghan rishtini we mehri - muhebbitini ashurushtin
ibaret.
< Yawropa Sherqiy Türkistan Birliki > teripidin hazirlap
chiqilghan soal - jawaplar bundin birqanche ay burun
München shehridiki Uygur ösmürlirige tarqitilghan bolup,
ularning teyyarliq qiliwelishi üçün mehsus waqit
ajritildi.
Musabiqidin kéyin, ata - anilar wekilliri, bundaq
ehmiyetlik paaliyetni her yili dawmliq ötküzüp turush
kérekligini tekitlidi.
Bu qétimqi musabiqini München shehride yashwatqan
Uygurlardin bolup 100 ge yéqin kishi izlidi.
Musabiqidin kéyin, DUQ diniy ishlar bolumi teripidin
Germaniyediki Uygur qérindashlirimiz üçün iptar berildi,
iptardin kéyin jamaet DUQ diniy ishlar bölümining
chaqiriqigha awaz qoshup, chetellerde qiyin ehwalda
qalghan qérindashlirigha atap bes - beste pitre we oshre
- zakat teqdim qilishti, zéhin sinash musabiqisida we
DUQ ning iptarida, DUQ ning merkezdiki pütün rehberliri
digüdek hazir boldi. |
|
