Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

Xitay Bir Térror Dölitidur

Türkiyening “Yengi Çagh” geziti muxbiri Levent Aghaçayak 11-ayning 6-küni töwendikilerni xewer qildi.
“Xitay, Sherqiy Türkistanda musulmanlarni mesçitlerdin qoghlidi” digen Ehmet Igemberdi, Beijing hökümiti terbiyiligen imamlarning wastisi bilen mesçitlerde atizim teshwiqati elip barghanliqini bayan qildi

Sürgündiki Sherqiy Türkistan liderliridin Ehmet Igemberdi Xitayning zorawan ikenligini éyitti. Xitayda ötken hepte yüz bergen toqunushlarda köp sanda musulman Tung’ganlarning öltürülgenlikining tunji ish emesligini tekitligen Exmet Igemberdi, buning Xitayning dölet siyasitige aylan’ghanliqini tekitlidi.

Ötken aylarda A.Q.SH ning paytexti Washin’gitonda qurulghan sürgündiki Sherqiy Türkistan hökümitining Awstiraliyening Sidney shehride olturushluq Jumhur re’isi Ehmet Igemberdi uzun yillardin beri Xitayda bundaq toqunushlarning oxshashla basturulup kelgenligini eyitti.

Qanliq Basturush

Ehmet Igemberdi Xıtay xelq jumhuriyitining bir térror döliti ikenligini bayan qilip, Xitaydin tarqanlghan xewerlerge asaslan’ghanda Xitaylar bilen Tung’ganlar arisida qattiq toqunush yüz bergenlikini, toqunushta 148 ölgenligini, Xitaylar Uyghurlarni “Térror” dep qarilap qanliq basturghanliqini, bundaq basturushlarni qattiq eyipleydighanlighini, nowette Sherqiy Türkistandiki musulmanlar mesçitlerdin, quran kursliridin qoghliniwatqanlighini, diniy etiqadining tosalghugha uçrawatqanlighini, kommunist Xitay hökümitining özliri terbiyiligen qorçaq imamlarni ishqa sélip mesçitlerde atizim teshwiqati élip bériwatqanliqini éytip ötti.

Jumhur re’is Ehmet Igemberdi Xitayda uzun yillardin beri zulum siyasiti yurguziwatqanliqini, bu ayda Amerikida éçilidighan Sherqiy Türkistan sürgündiki hökümitining yighinida bu mesilini küntertipke kirguzidighanliqini eyitt. Xitayning Henan ölkiside musulman Tung’ganlar bilen Xitaylar arisida çiqqan toqunushqa 10 mingdin köp kishi qatnashqan bolup, 150 din artuq kishi öltürülgen. Weqedin kéyin shu rayonda herbi halet yurguzgen.

(Türkiyening “Yengi Çagh” geziti 11-ayning 6-künidiki sanidin)
Ertekin terjime qildi
2004-yili 11-ayning 6-küni

©UÇQUN-KIVILCIM - 10.11.2004 17:19  Hazirliğuçi: A. Qaraqaş