Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

Aqsu Wilayetlik Partikom, < Bölgünchiler > ge Qet’i Rehim Qilmasliq, Uchrighan Yerde Ujuqturush Heqqide Buyruq Chüshürdi

< Tianshan tori > ning hewirige asaslanghanda, Aqsu wilayetlik partikomning muawin sekritari we siyasi qanun komutitining mudiri Yang De Hai, Wilayetning buyilliq siyasi – qanun hizmiti yighinida qilghan sözide, wilayet qarmighidiki herderijilik partiye – hökümet rehberliridin, 2004 – yili bölgünchilikke qarshi küreshke bolghan rehberlik we qollashni yenimu kücheytip, idiye jehette bihut bolmasliq, tedbir jehette ikkilenmeslik we heriket jehette qattiqqol we rehimsiz bolushni ishqa ashurushni telep qilghan we wilayet qarmighidiki herqaysi nahiye we sheherlik siyasi qanun komutitlirining mudirliri bilen Yang De Hai otturisida < jemiyet amanliqini omomlashturup tüzesh mesuliyetnamisi > imzalanghan.
Yang De hai yighinda qilghan sözide yene mundaq digen:
< Her derijilik siyasi qanun organliri, jemiyetning siyasi muqimliqini qoghdashni siyasi – qanun hizmitining bash wezipisi qilip, milliy bölgünchi küchlerge qarita qattiq zerbe bérish, yuqi derijide basturush halitini saqlap, < üch hil küchler > ning teshkilat qurushi, bash kötürüp chiqishi, qorallinishi, weziyetni konturol qiliwelishi we emiliy ziyan elip kélishining qattiq aldini elishimiz lazim. Bolupmu terorchi teshkilat we küchlerge qarita, birni körgen haman derhal yoqutushimiz, yer asti meshiq nuhtilirini we qoral, bomba yasash qara uwilirini gumran qilip, qoghlap zerbe bérish we qechip yürgen mohim jinayetchilerni qoghlap tutushni kücheytishimiz lazm >.
Bu qétimqi yighinda, Jinayi ishlar jinayetchiliri we iqtisadi jinayetchilerge qarshi tedbir qollunush heqqide héch bir söz tilgha elinmighan. Emiliyette bolsa aqsu wilayiti, Sherqiy Türkistanning jenobidiki 4 wilayet ichide, Xitay millitidin bolghanlarning jinayet ötküzüsh nisbiti eng yuquri wilayet bolup, Xitay jinayetchilerning oghruluq, bulangchiliq we qatilliq diloliri her küni digüdek yüz bérip turidu, uning üstige < bingtüen > ning yeza igilik 1 – dewiziyesi aqsugha jaylashqan bolup, bu wilayette Xitaylarning noposimu jenobi wilayetler ichide aldinqi qatarda turidu.
Xitay qanun tarmaqlirining pütün küchini atalmish < milliy bölgünchiler > ge qaritishi we qanuniy jehette Xitaylargha nisbeten yumshaqqol keng siyaset yürgüzishi, bu rayonda yashawatqan Xitaylargha hetimu jasaret bérip, ularning köplep dilo sadir qilishigha sewepchi bolmaqta.

©UÇQUN-KIVILCIM - 20.02.2005 15:25  Hazirliğuçi: A. Qaraqaş