Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

Sherqiy Türkistandiki Omomiy Noposning 40 Pirsenti Dölet Belgiligen Eng Töwen Ölchemning Astida Yashimaqta

< Sherqiy Türkistan informatsiyon merkizi > ning wetendin biwaste igellishiche, < aptonom rayonluq heliq hökümiti > teripidin orunlashturulghan, < namrat rayonlargha yardem bérish seperwerlik yighini > yéqinda aptonom rayonlargha qarashliq herqaysi nazaret, wilayet, nahiye we sheherlerde chaqirilishqa bashlighan. Bu yighinlarda, Sherqiy Türkistanda dölet teripidin bekitilgen eng töwen turmush sewiyesining astida yashawatqanlarning, omomiy noposning 40 pirsentini teshkil qilidighanliqi we bularning hemmisining < azsanliq millet > ikenliki, ularning yilliq kishi beshigha toghra kélidighan otturiche kirimining 1080 yüen ( tehminen 130 dollar ) etrapida ikenliki bayan qilinghan. Seperwerlik yighinida, Sherqiy Türkistanning jenobidiki rayonlarni asasliq yardem bérish obikti qilish otturigha qoyulghan.
< seperwerlik yighini > da bir Xitay emeldar söz qilip mun daq digen: < 20 yilning aldida hotenning melum nahiyisige bir yilliq xizmetke chüshken idim, eyni chaghda u nahiyening turmush sewiyesi nahayiti töwen idi, bezi ayililerde héchqandaq dehqanchiliq sayminimu yoq bolup, keyim – kechigimu toluq emes idi, eyni chaghda men ürümchige qaytidighan chaghda shu yerdiki dehqanlargha özemning kiyim – kecheklirimni bergen idim, bultur xizmet munasiwiti bilen u nahiyige, ashu yezigha barsam, men kiyim bergen kishi tehiche shu kiyimlerni kiyip yürüptu, yoldashlar, 20 yil ötüp ketti,ularning turmush ehwalida héchqandaq özgürüsh bolmaptu …>.
Xitay emeldarlirining yuqarqi sözliri yighin ehlini qattiq tesirlendürgen.
Xitay hökümiti ötkende elan qilghan, < Xinjiangning tarihi we tereqqiyati > digen aq tashliq kitawida, azsanliq millet rayonidikilerning iqtisadi kirimining Xitayning ichkiri ölkiliriningkidin 2.6 pirsent yuquri ikenlikini bayan qilghan, hetta < aptonom rayonluq partikom > ning sekritari Wang Le Chüen chetel muhbirlirining ziyaritini qobul qilghanda, Sherqiy Türkistanda kishi beshigha toghra kélidighan yilliq otturiche kirimning 7450 yüen ikenlikini otturigha qoyghan idi, emma yuqarqi sanliq melumatlar, kommunist Xitay hökümitining özini özi inkar qilidighan, héch bir sözige ishengili bolmaydighan neqeder sahtipez bir hökümet ikenlikini, yene shundaqla Sherqiy Türkistan helqining hazirmu hem ach – yalingachliq ichide yashawatqanliqini körsütüp turmaqta.

©UÇQUN-KIVILCIM - 27.08.2005 12:23  Hazirliğuçi: A. Qaraqaş