Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

Aptonom Rayonluq Ittipaq Komutiti, < Milliy Bölgünchilik Heriketliri > Bilen Shughullanghan Ittipaq Ezalirini Jazalash Heqqide Yéngi Belgilime Chiqardi

< Aptonom rayonluq ittipaq komutiti >, Sherqiy Türkistanda Uygur ittipaq ezaliri ichide kündin – künge küchiyiwatqan hökümetke qarshi hayishlarni azaytish we ularni diniy etiqattin uzaqlashturush meqsidide, mehsus < ittipaq ezaliri, ittipaq kadirliri ichide milliy bölgünchilikke qarshi turush, wetenning birlikini qoghdash kürishi jeryanida siyasi intizamgha hilapliq qilghuchilarni jazalash heqqide belgilime > ni tüzüp chiqip tarqatqan we yerliklerdin bolghan ittipaq ezalirini < Milliy bölgünchilik > we < qanunsiz diniy heriketler > din uzaq turushqa chaqirghan.
Sherqiy Türkistan informatsiyon merkizi teripidin qolgha chüshürülgen we mehsus Uygur yashlirigha qarita tüzüp chiqilghan bu atalmish < belgilime > de, < milliy bölgünchilik we qanunsiz diniy heriketlerni, hemde zorawan teroristik heriketlerni pilanlighan, teshkilligen,qollighan, uninggha qatnashqan, uni qanat astigha alghanlarni, shundaqla bu sewep bilen qamaqqa höküm qilinghan yaki emgek bilen özgertish medyanlirigha iwetilgenlerni qet’i halda ittipaq ezaliqidin heydep chiqirish lazim > diyilgen.
Jem’i 11 – maddidin terkip tapqan bu < belgilime > de, < bölgünchilik > xayishida bolghanlarni jazalash heqqide köpligen pirinsip we qayide – ölchemler bekitip chiqilghan.

©UÇQUN-KIVILCIM - 27.08.2005 12:23  Hazirliğuçi: A. Qaraqaş