Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

12 Aililik Déhqan Hazirğiçe Talada Qaldi

     Ğulja şehridiki Ottura Asiya xelq'aralq soda bazirini qurup çiqiş üçün “ömüçük tori”ning içige kirgenlerdin, Ğulja şeher Qaridöng yézisining shujisimu bar idi. Bu bazar meqsetlik halda mehsus Uygur sodisini çaputlaş üçün élip bériliwatqan bolğaçqa intayin jiddi halette élip birildi. Bu çağda ene şu Qaridöng yézisining shujisi öz tewesidiki altun jaydin yer ajirtip biridiğanliği toğrisida wede berdi. Bu jay del Ğulja şehrining Qerq teripige jaylaşqan, awat Xitay baziriğa toğra kiletti. Epsuski bu ömüçük toridikilerning közi çüşken bu awat jayda 12 aililik Uygur déhqan yaşayti. Bu bazar yuqurda éytip ötüp ketkinimizdek tarihi arqa körünüş astida jiddi élip bériliwatqan bolğaçqa, bu 12 aililik Uygur déhqanni köçürüşke toğra kiletti. Netijide buningdin jiddileşken Qardöng yézisining shujisi wang paypaslap bu 12 aililik déhqanning aldiğa birip, bazar pütkendin kéyin bularning perzentlirini işqa orunlaşturidiğanliğini we başqa orundin jayliq yer ajirtip biridiğanliği, bazar pütkiçe ulurning başqa jayda ijarige olturup turuşliri lazimliği toğrisida yalğan wede birip,ularning qoru jaylirini tartiwalğan idi. Epsuski, bazar pütkendin kéyin ularning birer perzentimu bazarğa işçiliqqa orunlaşturulmidi hetta jayliq yermu hel qilip birilmidi. Netijide 12 aililik déhqan talada qaldi. Bu heqte ular sabiq Ili wilayetlik partikomğa öz naraziliğini bildürüşkende, wilayetlik partikomdin iwetilgen bir kadir qilçe tep tartmastin xelqqe, wilayetlik partikom digen bir yoğan qoram taş, siler digen bir tuhum, tuhumni qandaqmu taşqa urğili bolsun diğen miyiğida külüp, ğezeplengen déhqanlar töwendikidek şiir yézip wilayetlik partikomğa jawap qayturğan.

Partikom ikenmiş yoğan qoram taş,
Helq ikenmiş yumulaq tuhum.
Kadir éytur, tuhumni taşqa urğili bolmas,
Biz éyturmiz tuhumnung derdi bolmisa,
Özini qoram taşqa urmas.

©UÇQUN-KIVILCIM - 20/07/2003 16:40  Hazirliğuçi: A. Qaraqaş