ana sahipe
1
2
3
4
5
6
7
8
9
10
8

Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

8 ) “Helqara Keçurum Teşkilati” Şerqiy Türkistandiki Insan Heqliri Weziyiti Heqqide Mehsus Doklat Élan Qildi

     21-mart küni “Helqara keçürüm Teşkilati” Şerqiy Türkistandiki insan heqliri weziyiti heqqide 24 betlik mehsus doklat élan qildi.
     Doklatta, “11-Sentebir weqesi” din kéyin Hitay hökümiti terorizimğa zerbe bérişni bahane qilip, Şerqiy Türkistandiki Uygurlarğa qatarqan basturuşni küçeytkenligi, yéqinqi birqançe yil dawamida Şerqiy Türkistanda bölgünçilik herketliri sadir bolmiğan bolsimu, aldinqi 6 ay dawamida birqançe ming Uygurning qolğa élinğanliği, ulardin bezilirige ölüm jazasi bérip şu haman étip ijra qilğanliği éytilğan.
Doklatta, Hitay hökümiti teripidin qolğa élinip uzun muddetlik qamaq jazasiğa we olumge mehkum qilinğan bu Uygurlarning emiliyette teror bilen alaqisi bolmiğan bigunah kişler ikenligi, ularning peqetla öz milli medeniyitini we diniy étiqadini qoğdiğanliği üçünla muşundaq eğir jazalarğa tartilğanliği qeyt qilinğan.
     Doklatta yene, Hitay hökümitining Şerqiy Türkistanda yürgüziwatqan insan heqliri tajawuzçiliq qilmişliri éyiplinip, Hitay dairlirining Uygurlarğa qarita élip bériwatqan başturuş herketlirini tohtitişi telep qilinğan, şuningdek, Amreka we gerbtiki demukratik döletlerning Uygurlarğa qarita yürgüziwatqan basturuş herketlirini tohtitiş heqqide Hitay hökümitige bésim işlitişi murajet qilinğan.
     Helqaradiki nopuzluq kişlik hoquq orgini bolğan “Helqara keçürüm teşkilati” teripidin Uygurlar heqqihe bundaq bir doklatning élan qilnişi, yene kélip bu doklatning, Hitay hökümiti Uygurlarni “térorist” dep qarilawatqan hemde Şerqiy Türkistandiki basturuş herketlirini jiddileştüriwatqan musundaq bir peytte élan qilinişi Şerqiy Türkistanning musteqilliq dewasi üçün, jumlidin barçe Uygurlar üçün alahide ehmiyetke ige çong weqe hésaplinidu.
     Kişini téhimu huşal qilidiğini şuki “Helqara keçüruüm teşkilati” mezkor doklatni teyarlaşta “Şerqiy Türkistan imformatsiyun merkizi” tarqatqan, Şerqiy Türkistan weziyiti heqqidiki uçur we melumatlardin keng dairde paydilanğan. Bundin burun, helqara kişlik hoquq organliri Şerqiy Türkistan we Uygurlar heqqide doklatlarni teyarlaşta, helqaradiki Uygur teşkilatliri teminligen işençlik menbeler yetersiz bolğaçqa, ilajisisz başqa menbelerge tayinişqa mejbur bolğanidi. Bu qétim “Şerqiy Türkistan imformatsiyon merkizi” tarqatqan uçur-melumatlar “helqara keçürüm teşkilati”ning işençini ige bolğan. Bu elbete “Şerqiy Türkistan imformatsiyon merkizining” ötken 6 yil dawamida, türlük qiyinçiliqlarni yéngip işligen japaliq hizmetlirining netijisi.
     Bu bizge, siyasi teşwiqat hizmitining musteqilliq dawayimizning helqarağa tonulişi we bundin kéyinki rawajlinişi üçün qançilik muhimliğini çüşendürüp béridu. 2002.3.25.

İUÇQUN-KIVILCIM - 01/04/2002 13:00  Hazirliğuçi: A. Qaraqaş