|
Öz muhpirimiz Abdullah Pamirning hewer qilişiçe, Hitay
dairliri yéqinqi mezgilde pütün Şerqiy Turkistanda élip
bériwatqan atalmiş idologiye sahesidiki milliy
bölgünçilikke qarşi küreşni qanat yayduruş herkiti
boyiçe qayta terbiye éliş paliyiti dep atalğan siyasi
herket, Şerqiy Turkistandiki siyasi keypiyatni téhimu
jiddileştürüp, normal hayat tertibining buzilişini
keltürüp çiqarmaqta, buning tüpeyli, kişler türlük
siyasi ügünişlerdin bizar bolup, her hil şekiller bilen
hökümetke öz narazliğini bildurmekte.
Bolupmu, mekteplerde türlük
siyasi ügüniş we yiğinlar ewj élip kétip oqutuş işliri
paleç ehwalğa çüşüp qalğaçqa, oquğuçilar arisida
hökümetke qarita qattiq naraziliqni qozğimaqta hetta bu
naraziliq oquğuçilarning ğezep nepritini aşurmaqta.
Muhpirimiz yolliğan mezkur
hewerde éytilişçe, Qeşqer şeherlik 4-ottura mektep,
toluq ottura 1-yilliq sinip oquğuçisi Ablikim Yaqup,
yéqinqi künlerde mektepte siyasi ügünüş we yiğinlar
köpüyüp kétip, normal oqutuş tertiwining buzğunçiliqqa
uçriğiniğa bolğan naraziliğini bildürüş üçün, muşu
ayning 14-küni kéçide, mektep içide ésiqliq turğan Hitay
dölet bayriğini élip çüşüp yirtip taşliğan. Bu iş üç
küngiçe mektep dairliri teripidin bilinmigen. Üç kündin
kéyin Ablikim, mektep mudiri Perhatqa imzasiz het yézip,
hetni uning öyige oğurluqçe kirgizwetken.
Hette: Perhat mudir, menisiz
siyasi yiğinliringni tohtitip, bizni normal ders oquğili
qoy, eger yene tohtatmisang hémiye derside ügenginim
boyiçe bomba yasap séni partilitiwetimen
, bayraqni men
éliwettim, eslide şu bayraqning orniğa Şerqiy
Turkistanning bayriğini asmaqçi idim
, biz toluq otra 6
siniptiki 200 ge yéqin oquğuçilarning hemmimiz jengge
teyarlinip qoyduq, bunimu bilip qoy!.. dep yezilğan
iken.
Bu iş mektep dairliri teripidin
çong siyasi weqe süpitide derhal yuqurğa melum qilinğan.
Şeherdiki yerlik hökümet dairliri alaqizade boluşup
kétişken. Şeherlik partikom we hökümet başliqliri hemde
saqçilar weqe ni bir terep qiliş üçün derhal mektepke
yiğilğan. Mektepte saqçilarning nazariti astida qattiq
tekşürüş başlanğan. Üç kün dawam qilğan het puçurkisini
tekşürüş dawamida mezkor Ablikim dégen oquğuçining
puçurkisi aşkara bolup qalğan.
Ablikimni saqçilar ekirip kitip
derru qolğa élip soraq qilğan. Soraq dawamida Ablikim,
qilçe hoduqmastin özi qilğan işlarni toluq boyniğa alğan
we nime üçün şundaq qilganliği heqqide öz köz qarişini
bimalal sözligen.
Bu weqe, Hitay dairlirini nahayiti alaqzade we saresimge
séliwetken. Ular Ablikimni qolğa alğandin sirt, mektep
mudiri Perhat we Ablikmning sinip mesulini hizmitidin
tohtitip, mesile tapşuruşqa orunlaşturğan we weqening
jawapkarliğini ularning üstige artqan.
Nezerbagh 4 otturidiki bu
weqeni tekşuruş we eniqlaş işini Qeşqer şerherning
muawen başliqi siyasi qanungha mesul Osman Dawut öz
üstige alghan.
24 mart Qeşqer şeherlik partikomning muawin şujisi
Zhuo Jing Xi 4 otturda mektepte tekşürüş élip barghan.
Hazirğa qeder bu weqe Hitay dairliri teripidin jiddi
tekşürülmekte
Merkizimiz bu weqeni teqip qilip turmaqta, bu heqte
radio angliğuçilirimizğa yene melumat berişke tirişimiz. |
|
