|
Öz muhbirimiz Abdullah Pamirning wetendin hewerqilişiçe:
Yéqinqi 10 kün içide Hoten wilayitige qaraşliq 7 nahye
bir Şeherde Hizbu Tehrir Teşkilati ning ezasi dégen
bednam bilen 800 din artuq Uygurni Hitay saqçi dairliri
qolğa alğan. Qolğa élinğanlarning içide
Medeniyet tarmaqlirida işleydiğan ziyalilar, oqutquçilar,
diniy zatlar, tijaretçiler, hetta dehqanlarmu bar iken.
Tutulğanlar Qariqaş nahyesidin eng köpken, undin qalsa
Lop nahyisidin tutulğanlarmu héle köp bolup, Lop
nahyisining Yurungqaş yézisidinla 70 tin köp adem qolğa
élinğan.
Nöwette tutqun qiliş işi yene dawam qiliwetiptu, saqçi
dairliri, koça-koy, mehele-mehélilerde keçe künduz
çarlaş élip bériwatqan bolup, pütün Hoten rayonini
wehime qaplap ketken. Gerçe şunçe köp adem qolğa élinğan
we qolğa éliş hélimu dawam qiliwatqan bolsimu, hökümet
dairliri bu heqte hiçnerse dimigen.
Eslide, Hizbu tehrir teşkilati Özbikistanda peyda
bolğan diniy teşkilat bolup, ötken bir qançe yil
dawamida Özbikistanda köpligen ademler Hizbu tehrirçi
likte éyiplinip türmilerge solanğan idi. Gerçe Şerqiy
Türkistanda hiçqaçan Hizbu tehrir teşkilati dégen
bundaq bir teşkilat, yaki bu teşkilatning ezaliri
bolmiğan bolsimu, Hitay dairliri qestenge siyasi ğewğa
peyda qilip, şu bahene bilen, Hoten rayonida Uygurlarğa
qarita yene bir qétimliq çong tazlaş élip bériwatqan
bolsa kérek.
Biz bu heqtiki tepsili ehwallarni dawamliq hewer qilip
turimiz. 2002.3.29. |
