Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

6 ) Russiye Zhongguo Çegrisida Herbi Maniwer Ötküzdi

     Russiye dölet mudapie ministiri Sergey Ivanof 6-ayning 15-küni bularni aşkarlidi: Russiye qoralliq küçliri nöwette (herketçan-2004) namidiki herbi maniwerni ötküziwetiptu. Bu maniwer 9-iyundin 30-iyunğiçe dawamlişidiken. Maniwer çong kölemlik eskiri quwwetlerni we herbi qorallarni Russiyening ğerbi teripidin (Yawrupa böligidin) Şerqiy teripige (Zhongguo çegrisiğa) jiddi téz hawadin yötkeşni mezmon qilğan. Xewerlerge asaslanğanda, maniwer 3 basquçqa bölinip elip bérilidiken: 9-iyundin 18-iyunğiçe 47 dane herbi tiransiport uçaq we ikki dane normal tiransiport uçiği zor türkimdiki esker brownik maşinlarni we Russiye şimal terep flotiğa qaraşliq dengiz armiye quruqliqta jeng qiliş qismi, Russiye Yawrupa böligige orunlaşqan paraşotçi qisim, motorlaşqan qisimlarni ğeriptin Zhongguo çegrisi terepke yötkeydu. Bu birimçi böligi, ikkinçi böligi bolsa, 21 - iyundin 25 - iyunğiçe ğeriptin yötkilip kelgen qisimlar yiraq şeriqtiki qisimlar bilen barawer Russiye - Zhongguo çegrisidiki belgilengen ikki nuqtida emiliy oq etiş maniweri elip baridiken. Bu Russiye xelq transipot uçaqlirining esker we qoral yötkeşke tunji qétim qatnişişidur. Üçinçi böligi bolsa, 26-iyundin 30-iyunğiçe Russiye qisimlirining baş iştab başliği Kavashinin we dölet mudapie ministiri Ivanof maniwerğa qomandanliq qilidu we köridu. Russiye „soda“ gezitining aşkarlişiçe bu qétimqi emiliy oq etip maniwer elip bérilidiğan ikki nuqtining birsi Zhongguo şeherliridin Dongningğa yene birsi Chunhuağa nahayiti yéqinken. Nöwette Russiye hökimiti yiraq şeriqtiki mesililerge nahayiti köngül böliwatidu hem qudretlik Russiyeni qayta quruş şuarini otturğa qoydi. Yiraq şeriqtiki „Xitay tehditi“ digen sözler bezi siyasetçilerning we medialarning qiziq nuqtisiğa aylandi. Russiye „Mutexessis“ jornilining yéqinqi bir sanida mundaq sözlengen: Atom qorallirini hisapqa almiğanda, Zhongguoning nöwettiki muntizim herbi küçi alliqaçan Russiyedin eşip ketken, emiliy herbi küçide bolsa perq zor emesken. Rusiye dölet mudapie ministiri Zhongguoni bolişi mumkin bolğan herbi riqabetçisi ornida körgen. Maniwerda Russiye paraşotçi qisimliri tesewuridiki düşminining arqa sepige poraşot bilen sekreş meşqini elip barğan. Déngiz armiye quruqliqta jeng qiliş qisimliri bolsa dengiz boyidiki herbi eslihelerni igelleş we natonuş rayonlarda orunlişiş we jeng qiliş meşqini elip barğan. Russiye bu yil  (herketçan-2004) namliq maniwerdin başqa yene bir qatar çong kölemlik herbi maniwerlarni elip baridiken.

ETIC terjime-tehrir bölimidin Alimjan teyyarliğan

©UÇQUN-KIVILCIM - 03.01.2005 20:04  Hazirliğuçi: A. Qaraqaş