Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

Xinhua Kitapxanisining Satqan Xeritiside, Taiwan Bilan Zhongguo Ayrim Dölet Qilinip Körsitilgen

ETIC xewiri, Merkizi axbarat agentlighi Taibei 23-may telegrammisi: Zhongguo hökimet terep bolsa, Taiwan Zhongguoning ayrilmas bir qismi dep qaraydu, lekin Beijing Xinhua kitapxanisi satqan bir xeritide, Taiwan bilen Zhongguoni ayrim-ayrim dölet qilip körsetken. Beijing „xinjing“ gezitining xewiride, bu xeritini Amerika Merriam-Webster neshiryati neshir qilghan élıp yürishke eplik xeritiler toplimi bolup, Beijing Wangfujing xinhua kitapxanisida setilghan. Kitapxana bularni bildürgen: özliridiki kitaplarning hemmisi qanunluq yollardin kirgüzilgen. Xewerde körsitilishiche bu xeritining muqawisi yeshil renglik bolup, 36-37- betliride aq renglik rayon Zhongguogha wekillik qilghan, xoshna döletler bolsa suz mandarin seriq reng bilen ayrilghan, Zhongguoning ong asti burjigide Taiwan suz mandarin seriq reng bilen belge qilinghan. 166-betide Taiwan aq reng bilen belge qilinip, Zhongguo suz mandarin seriq reng bilen ayrilghan. Astigha bérilgen chüshendürish xetliride, Republic of China we kök asman aq künlik bayraq bérilgen. Beijing tamojnisi qanun bashqarmisining bashlighi:  bu xil neshir buyumliri cheklengen, chünki barliq bir Zhongguo, bir Taiwan dep ikki Zhongguoni terghip qilidighan neshir buyumlirining chegridin kirishi qattiq cheklengen, soda-sanaet tarmaqliri we medinyet tarmaqliri bularni tekshürip qattiq bir terep qilidu digen bolsimu. Emelıyette Xitay tamojniliri bundaq buyumlarni tosup qalalmıghan     

©UÇQUN-KIVILCIM - 03.01.2005 20:19  Hazirliğuçi: A. Qaraqaş