Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

6 Israel Qanunsiz Zhongguoliq Aqqunlarni Çegradin Qoghlap Çiqardi

Israelning „Yedioth Aharonoth“ gezitining tor betidin igelligen xewerlerge qarighanda, Israel saqçiliri 21-may çüshtin kéyin bashkent Telavevning merkizi qatnash bekiti etrapidiki koçilarda tuyuqsiz tekshürish élip bérip, neq meydanda neççe onlighan qanunsiz çetelliklerni qolgha alghan bularning köpçiligi xitaylar iken. Bu tuyuqsiz herketning mexsidi ularni çegridin qoghlap çiqirish.
Israelning qanunsiz köçmenlerni zor miqtarda çegridin qoghlap çiqirishtek siyasiti sewebidin, bu qetimqi herket aldinala pilanlanghan. Neççe onlighan saqçi bu her shenbe bazar bolidighan we asaslighi xitaylar nerse kerek setiwalidighan bazarda tuyuqsiz peyda bolup ularni sep tüzep qorshighan hetta ögizlermu saqçilar bilen toshqan. Asaslighi herbir ademning vizasi we kimligi tekshürilgen hem pozitsiyisi nahayiti qopal bolghan. Kimligi we inawetlik vizasi bolmighanlarning hemmisi qolgha élinghan we aptobuslargha qaçilinip Israelning herqaysi jayliridiki türmilerge toshulghan ular u jayda sotlinip andin çegridin qoghlap çiqirilidiken. Israelda 140000 neper qanunsiz ishçi bolup 60000 xitay iken, qalghanliri Ruminiye, Tayland, Phillipin, Hindistan, Afriqa, Iordaniyelerdin kelgenler iken. 2002-yili 2-aydin bashlap yürgizilgen qanunsiz ishçilarni çegridin qoghlap çiqirish herkitidin buyan 170000 kishi tekshürilip 100000 kishi çegridin çiqirilghan. Bu tor betining xewiride yezilishiçe her ayda 2200 adem çegridin çiqiriliwetiptu. Israéliye köçmenler idarisining 2004-yilliq nishani----sanaet-soda ministirligining karxana igilirige tarqatqan ishçi yallash ruxsetnamisini tekshürish we ishçi tonushturush mulazimiti shirketlirige bolghan tekshürishni küçeytishtur.

Xewerni özmuxpirimiz Alimjan hazirlidi

©UÇQUN-KIVILCIM - 03.01.2005 20:04  Hazirliğuçi: A. Qaraqaş