|
ETIC ning 27-aprildiki
xewiride bu jasusliq torining bayqilip 20 neççe
herbining qolgha élinghanlighidin xewer bérilgen idi.
Yéqinda Alimjanning xitay tor betliridin igelligen
axbaratlirida ular sotlanghan töwende tepsili xewer
bérilidu.
Merkizi herbi ishlar komititi mexsus delo gruppisining 2
aydin artuq dawamlashqan soraq tekshürishliridin kéyin,
Zhongguo hawa armiye qomandanliq inistitoti mudiri
Liuguangzhi we Wang famililik bölüm bashlighi ölüm
jazasigha hökim qilindi. Qalghan 20 neççe azatliq armiye
offissiri eghir jazagha buyruldi. Liuguangzhi delosi
ZHKP armiyisining Liuliankun delosidin kéyinki derijisi
yuquri bolghan Taiwange baghlanghan tesiri çong delodur.
Liuguangzhi xizmet ötewetqan general bolup hem xéliq
qurultiyining ezasi, merkizi herbi ishlar komititi reisi
Jiangzemin bu delogha dölet qurulghandin kéyinki eng
eghir jasusluq delosi dep derije bekitip bu deloni
rehim qilmay, eghir jazalashqa buyruq bergen. Zhongguo
hawa armiye bash qomandani Qiaoqingçen we siyasi
kommisari Dengçangyou Jiangzemindin özlirige jaza
bérishni teshebbuskarliq bilen telep qilghan.
Liuguangzhi 2-marttin bashlap belgilengen waqit,
belgilengen orunda mesilisi tapshurilish bekitilgendin
kéyin, delo tekshürish ghélibilik bolghan.
Her-xil ispatlar aldida Liuguangzhi iqrargha kélip
qarshilashmighan. Liuguangzhining ayal dosti we uning
ZHKP hawa armiye qurulma bashqarmisidiki offisser oghli
hemme qilmishlirini iqrar qilghan. Liuguangzhi burun
ZHKP hawa armiye méshiq basqarmisining muawin bashlighi
bolup, birge ishleydighan Wu famililik offisseri Taiwan
herbi axbarat idarisidiki palkonik Liyunbo Nanjingde
tesis qilghan silike tibbi tetqiqat uçur bölimide
ishligen we Liyunboning 4 axbarat toridiki tayanç küç
bolghan. ular asaslighi ZHKP armiyisidiki Taiwange mayil
offissirlarni bayqash hem wezipidiki yuquri derijilik
offissirlarni Taiwan üçün jasusluq qilishqa tartish
qatarliq xizmetlerni qilghan. Liuguangzhi bolsa Wu
famililik qolgha keltürgen wezipidiki yuquri derijilik
emeldardur. Zhongguo hawa armiye qomandanliq
inistitotidiki Wang famililik bölüm bashlighi bolsa
Liuguangzhi üçün bérilgen pullarni tapshurwélish
ishlirigha mesul bolghan. Liuguangzhi qolgha élinghandin
kéyin, mexsus delo gruppisi u bashçilighidiki onneççe
çetishliq offisserning ishxanisi we öylirini axturghanda
zor miqdardiki amerika dolliri we xéliq pulini bayqighan
4 xadim bir öyge döwilengen pullarni 2 kün 1 axsham
waqit serip qilip aran sanap bolghan. Hemmidin bek
mexsus delo gruppisini çöçitkini bu delogha çetishliq 20
neççe offisser ZHKP armiyisining her qaysi qisimliridin
bolup ashkarlanghan axbarat hawa armiyisighila
munasiwetlik emesken. Bu misli körilmigen delo ZHKP
armiyisidiki qalaymiqançiliqning neqeder eghirlighini
ispatlaydu. |
|
