|
ETIC muxbiri
Erikqizining merkiziy axbarat agentlighining 22-april
Taibeidiki xewiridin igellishiche:
Zhongguo Ijtimai Penler Akadimisining bügün elan
qilghan ixtisadi kök tashliq kitawida körsitilishiche:
Zhongguo ixtisadidiki bu bir qatar mesililer, pul
paxallishishning alametliri, muqim mülük meblegh
sélinish eshishining tez bolup kétishi, meblegh sélish
qurulmisining eqilge muwapiq bolmaslighi, xam eshya
bahasining ösüp kétishi, istimalning yeterlik
bolmaslighi qatarliq mesililerni bir terep qilish
üchün meblegh sélish bilen istimal qilishning nisbiti
jiddi tengshilishke muhtaj iken.
merkiziy axbarat agentlighi bu kitapni neqil keltürüp
mundaq didi: 2002-yili pütün Zhongguo jemiyitidiki
muqim mülük meblegh sélinish qimmiti, shu yilqi GDP
ning 41% din eship ketken, 2003-yili 47% din eship
ketken, bu yili 50% din eship kétishi mumkin. Bu milli
ishlepchiqirish qimmitining yérimini muqim mülük
meblegh sélishqa ishletkenlikni körsitidu.
Meblegh sélinish nisbitining yuquri bolup kétishige
qarita kök tashliq kitapta mundaq diyilgen: ötken
yilqi muqim mülük meblegh sélinishning eshishi 26.7%
bolghan, bu yil birinchi pesildikisi bolsa 43% bolghan.
Zhongguodiki 1986-yili, 1988-yili we 1993-yilliri yüz
bergen üch qétimliq ixtisadning heddidin artuq
eshishining aldidimu hazirqidek muqim mülük meblegh
sélinishning heddidin artuq eshish hadisisi körülgen
buninggha qattiq diqqet qilish kérek.
Ixtisadshunashlar mundaq deydu: aldinqi ixtisadning
heddidin artuq eshish dewirliride meblegh sélinish
bilen istimalning nisbiti teng nisbette tez ashqan
idi, lékin bu qétim meblegh sélinish nisbiti yuquri
bolup kétip, istimal yenila yétishelmeywetiptu.
Öy-zimin tijaritini misalgha alsaq_simont, polat
matiryalliri bahasining shiddet bilen ösüp kétishi öy
bahasining ösüp kétishige sewep bolghan, lékin
köpchilik puxralarning kirimi töwen bolghachqa bularni
alalmaydu buning bilen öy köp, setiwalidighan adem az
bolushtek ehwal yüz béridu. Kök tashliq kitapning
qarishiche: buning birla amali kirim texsimlinish
siyasitini tengshesh arqiliq, puxralarda yeterlik
ixtisad peyda qilip istimalni janlandurush arqiliq bu
qiyin ötkeldin ötüshtur.
|
|
