|
Öz muhpirimiz
Abdullah Pamirning Qeşqerdin yolliğan hewiri:
Hitay hökümiti yéqinda nurğun pul serip qilip, Qeşqer
şehrining şerqiy qismiğa jaylaşqan Arslanbağ kentige
mehsus çetel radio dolqunini tosidiğan kaşila peyda
qiliş istansisini qurup işqa çüşürgen. Buning bilen
Şerqiy Türkistanning jenubidiki wilayetlerde Erkin
Asiya Radiosining Uygurçe anglitişi, hetta Azatliq we
Amreka Awazi radiolirining özbekçe anglitişlirimu
yahşi anglanmas bolğan.
Bundin burun, bu hil kaşila qiliş istansisining eng
çongi Ürümçide bolup, şimali rayonlarda Erkin Asiya
Radiosini angliğili bolmaytti.
Jenubiy wilayetlerde kiçik tiptiki kaşila qiliş
istansisi bolsimu kaşila qiliş iqtidari ajiz bolğaçqa
yaman emes anglinatti, qatmu-qat siyasi bésimlardin
yürigi siqilğan, sahta teşwiqatlardin bizar bolğan
helqimiz, çetel radio dolqunliri arqiliq taşqi dunyağa
bağlinip, siqilğan rohiğa az-tola teselli tapatti we
umidlinetti. Şu wejidin yéqinqi yillar içide Uygurlar
arisida radio anglaş téz omumlişip ketken idi. Birmunçe
kişler yénidin radio ayrimaytti, radiodin angliğanlirini
çong yéngiliq süpitide bir-birige yetküzişetti.
Lékin, mustebit Hitay hökümiti helqimizning şunçlik
erkinliginimu yoq qilişqa urundi, huddi medeniyet
inqilabida qilğiniğa ohşaş radio anglaşni çeklidi, bezi
jaylarda kişilerning radiosini yiğiwalidiğan, radio
angliğanarni jazalaydiğan ğeliti hadisler sadir boldi.
Emma Hitay hökümiti yenila haterjem bolalamay, bu qétim
3 milyon yuandin artuq pul hejlep, Qeşqer Arslanbağdiki
çong kaşila peyda qiliş istansisini qurup çiqqan.
Insaniliqqa, medinilikke yat bolğan bundaq ğeliti
teqipleş, Şerqiy Türkistandin başqa, dunyaning ikkinçi
bir yéride yoq bolsa kérek! |
|
