|
Uygur Awazi Radiosining Qurğuçisi we Sahibi A.
Qarqashning tebrik sözi
Essalamueleykum hörmetlik wetendaşlar !
Uygur Awazi Internet radiyosi bügün siler bilen yene yüz
körüşti ! Bu munasiwet bilen weten içi we sirtidki
ihlasmenlirimizge semimi salam yollaymiz!
Uygur Awazi internet radiyosi, asaret astidiki
helqimizning hor ahparat-uçurlarni anglaş éhtiyajliriğa
hemdemde boluş meqsidide, baş orgini Germaniyeing
München şehrige jaylaşqan, Şerqiy Türkistan
imformatsiyun merkizi teripidin teyarlinip, 2000-yili
sentebirde tunji anglitişini başliğan bolup, anglitiş
dawam qilğan yérim yilğa yéqin waqit jeryanida, Şerqiy
Türkistandiki weziyet, weten sirtidiki musteqilliq
dawayimiz, dunya ehlining musteqilliq dawayimizğa
körsitiwatqan munasiwetliri we başqa témilar boyiçe
köpligen ehmiyetlik uçur we melumatlarni tarqitip, weten
içi-sirtidiki angliğuçilirimizning qizğin qarşi élişiğa
erişken iduq.
Epsuski, birqisim maddi we meniwi qiyinçiliqlar tüpeylidin,
2001-yili fewral eyidin abşlap radiyo anglitişimiz
üzülüp qaldi.
Wetendaşlirimizğa melum bolğinidek, yéqinqi bir mezgil içide
dunya weziyitide pewquladde özgürüşler yüz berdi.
11-sentebir weqesi din keyin Şerqiy Türkistan
musteqilliq dewasi helqarağa yenimu tonuldi, Hitay
dairlirining Uygurlarni terorest dep qarilaş süyqesti
emelge aşmidi. Bu ehwalda Hitay hökümiti, Şerqiy
Türkistandiki, Uygurlarğa qaratqan siyasi bésim we
basturuşni téhimu küçeytti, nöwette pütün Şerqiy
Türkistan boyiçe, idologiye sahesidiki milliy
bölgünçilikke qarşi küreşni qanat yayduruş dégen nam
astidiki siyasi herket başlinip, medeniyet zor inqilawi
dewridiki siyasi esebiylik qayta baş kötürdi. Bolupmu,
ahparat-neşiryat, medeniyet-senet we muarip sahesidiki
teqip we çekleş peqquladde küçiyip ketti.
Muşundaq alahide ehwal astida, imformatsiyon merkizimiz,
nöwette dunyada sadir boliwatqan siyasi özgürüşler we
uning musteqilliq dawayimizğa körsitidiğan tesirini
helqimizge anglitiş, helqimizning kelgüsige bolğan
umit-işençini aşuruş, öz nöwitide yene, Şerqiy
Türkistandiki jiddi weziyettin weten sirtiki
qérindaşlirimizni waqti - waqtida hewerdar qilip turuş
zörüriyitini jiddi hisqilip, türlük qiyinçiliqlarni
yéngip, radiyo anglitişini qayta başliduq.
Wetendaşlirimizning bizni qollişini, bizni ehmiyetlik
uçur, hewer we maqalilar bilen téminin etişini,
şuningdek, anglitişlirimiz heqqide, pikir, telep we
tekliplirini bérişini umid qilimiz! |
