|
<Öz
muhpirimiz Uçqunning Ürümçidin yolliğan hewiri:
18 -Mart küni Ürümçining her qaysi rayon, nahyeliride
wezipe ötewatqan asasi qatlam qoralliq qisim
kadirlirining kolliktip herbi telim terbiye seperwerlik
yiğini Ürümçi şehride çaqirilğan.
Bu qétimqi çong terbiyeleşke 100 din köprek asasi
qatlam qoralliq saqçi kadirliri qatnaşqan bolup ügünüş
mudditi 7 kün bolidiken.
Yiğinda, azatliq armiye Ürümçi herbi rayonining
Qomandani Gai Lei söz qilip, bu qétimqi terbiyleş
paaliyitining, milli bölgünçilik we teroristik
qilmişlarğa bolğan tonişni östiriş, yinik tiptiki
qoralarni önimlik işlitiş we munasiwetlik herbi
bilimlerni puhtilaş qatarliq mezmunlarda élip
bérlidiğanliğini tekitligen.
Yéngi yil kirgendin buyan Hitay dairliri Şerqiy
Türkistanda bir tereptin,
atalmiş idilogiye sahasidiki milli bölgünçilikke qarşi
küreşni qanat yayduruş digen siyasi teşwiqat herkitini
ewj aldursa, yene bir tereptin Şerqiy Türkistandiki
herbiy küçni zoraytip saqçi we jandarmiliriğa türlük
seperwerlik hizmiti işleş arqiliq Uygurlarğa téhimu
qattiq popoza qilip tehdit séliwatidu. Ular Uygurlarning
yürügini téhimu qattiq mujuş üçün türlük herbi
maniwerlarni ötküzüp, özlirining herbi küçini köz-köz
qilmaqta. Melumatlarğa asaslanğanda aldinqi bir qançe ay
dawamida Hitay hökümiti Afğanistan uruşi we Keşmirdiki
toqunuşlarni bahane qilip Şerqiy Türkistanning Qeşqer we
Hoten rayunliriğa köp miqdarda yéngidin harbi qoşun
yötkep kelgen. |
