|
Hörmetlik wetendaşlar, hewiringlada bolğinidek, Hitay
hökümiti,11-sentebir weqesi din kéyin, Şerqiy
Türkistanda Uygurlarğa qarita téhimu keng-kölemde
basturuş élip bérişqa dağdam yol hazirlaş meqsidide,
barliq déplomatiye we teşwiqat wastilirini işqa sélip,
Uygurlarğa terorist qalpiğini kiydürüşke urunğan idi.
Behtimizge yarişa Amerika başçiliğidiki ğerb döletliri
we helqara kişlik hoquq orğanliri Uygurlar mesiliside
heqqani meydanda turup Hitayning orunsiz sepsetilirini
ret qilğan bolğaçqa, Hitay dairlirining bu heqtiki
teşwiqat hujumi, birmehel sel jimiqqan .
Lekin yéqinqi künlerdin buyan Hitay yéngiwaştin hujumğa
atlandi.
21-yanwar küni, Hitay gowuyueni ahbarat başqarmisi,
Şerqiy Türkistan téror küçliri jinayi mesulyettin qéçip
qutilalmaydu serlewhilik uzun baş maqale élan qilğan
idi, bir kün aldin(1-fewral) Hitayning Xin hua ahbarat
torida, Şerqiy Türkistan teror küçlirining sirini paş
qiliş: qanunsiz teşkilatlar 50 tin artuq namliq maqale
élan qilindi. Aldinqi bir hepte içide elan qilinğan bu
heqtiki kiçikrek maqale, obzorlarmu 10 parçige yetidu.
Imformatsiyun merkizimiz, aldinqi birqançe ay dawamida
Hitayning Şerqiy Türkistan musteqilliq küçliri we Şerqiy
Türkistan teşkilatliriğa qaratqan yolsiz töhmetlirige
küçining yétişiçe reddiye bérip keldi.
Muşu munasiwet bilen, merkizimiz, weten içi-sirtidiki
barliq wetenperwer ziyalilirimizğa we, bolupmu, weten
sirtidiki hör muhitta yaşawatqan qelem sahiplirige,
Hitayning teşwiqatiğa qarşi bir meydan qelem kürişige
atlinişqa murajet qilimiz!
Nöwette Hitay dairlirining bizge qaratqan teşwiqat
hujumining asasi temisi:
Birsi, Şerqiy Türkistan atalğusining hiçqandaq
tarihiy asasi yoq
Ikiinçisi,Şerqiy Türkistan musteqilliq küçliri
térorçi küçtur,
Üçünçi, Şerqiy Türkistan teşkilatlirining hemmisi
terorçi teşkilat,
Totinçi, ötken 10 yilda Şerqiy Türkistanda yüz bergen
çong-kiçik weqelerning hemmisi, téroristik qilmiş bolup,
buning hemmisini Şerqiy Türkistan téror küçliri
uyuşturğan
Beşinçi, Şerqiy Türkistan téror küçlirining helqara
térorçi küçler bilen, jümlidin Osame Binladen we uning
Alqaide teşkilati bilen biwaste alaqisi bar degen beş
temiğa merkezlişidu.
Biz üçün, sukut qiliş, Hitayning böhtanlirini
testiqliğanliq bolidu. Özimizni özimiz aqlimisaq,
başqilar bizni aqlap bermeydu, Hitayning orunsiz
böhtanliriğa waqtida reddiye qayturmisaq, yalğanni
yette qétim éytsa rasqa ayliniptu dégendek, Hitayning
sözi rastqa aylinip qalidu.
Wetendaşlar, milliy dewayimiz, éğir hirisqa duç keldi,
Hitayning bu qétimqi teşwiqat hujimi addi oy bilen élip
bérilwatqini yoq, eger Hitay bu etşwiqatliri arqiliq
közligen meqsidige érişse, bu Uygur musteqilliq dewasi
üçün ğayet zor yoqutuş bolidu!
Milli dewayimiz üçün minglarçe qehriman
qiz-yigitlirimiz qimmetlik hayatini qurban qildi, yene
yüzminglarçe bigunah perzentlirim Hitay zindanlirida
azap çekmekte! Bizmu Uygur perzenti boluş süpitimiz
bilen, qolimizdin kélişiçe perzentlik burçimizni ada
qilayli! Qolni-qolğa tututuşup Hitayning teşwiqat
hujimiğa birlikte reddiye bereyli!
Merkizimiz, yollanğan maqale, reddiyelerni internet
arqiliq alte hil tilda pütün dunyağa eng téz sürette
tarqitidu hemde munasiwetlik orgunla we çetel ahbarat
awstiliriğa yollap beridu.
Şerqiy Türkistan imformatsiyon Merkizi |
|
