|
Buningdin ilgiri,
Hitay hökümiti Şerqiy Türkistandiki weziyet heqqide <
bu yerde héçqandaq mesile yoq, milletler ittipaq, helq
hatirjem > dégendek yalğan yawidaq sözler arqiliq
helqara jemiyetni aldap, Şerqiy Türkistandiki heqiqi
ehwalni yuşuruşqa urunup kelgen idi.
Hitay resmi dairliri <Şerqiy Türkistan> atalğusuni,
Uygur musteqilliq mesilisini we Şerqiy Türkistan
teşkilatlirini tilğa éliştin qattiq ihtiyat qilatti.
Ularning neziride Şerqiy Türkistan mesilisi üstide söz
qiliş, Şerqiy Türkistan mesilisini étrap qilğanliq we
uning dunyawi tesirige ige bolişiğa yol éçip bergenlik
bolup hésaplinatti. Lékin Hitay hökümiti bu qétim
tamamen eksiçe iş tutti. Hitayning yuquri derijilik
emeldarliri çong kiçik sorunlarda Şerqiy Turikistan
we Uygur musteqilçiliri heqqide köp sözlidi. Ilgiri
Şerqiy Türkistan mesilisining helqarağa tunulişidin
ölgidek qorqqan bolsa, emdilikte bu mesilini öz ağzi
bilen dunyağa teşwiq qildi! Buni Hitay hökimiti üçün
héli zor <qurban bériş> desek aşurwetken bolmaymiz!
Hitay bu qétim bir jehettin Şerqiy Türkistan
mesilisini beribir yuşurup qalalmaydiğanliğini, Şerqiy
Türkistan mesilisining helqaralişişining waqit
mesilisila bolup qalğanliqini éniq tunup yetti. Şunga
Şerqiy Türkistan mesilisini uçuq étrap qiliş bilen
buning bedilige téhimu çong paydiğa érişmekçi boldi.
Buning eng yahşi çarisi Amerika we pütün dunyaning
diqqiti islam bayriqini kötürwalğan térrorçilarğa
merkezleşken muşu pursette, Uygurlarğimu térrorst
qalpiğini kiyduruş we helqara jamatçilikni buningğa
işenduruştin ibaret idi. Bu mehsidi işqa aşsa, Uygur
musteqilçiliri helqaraliq qollaştin mehrum bolatti.
Hitay, Amerika we uning geriptiki ittipaqdaşlirining,
Uygur mesilide özini eyiplişidin saqlinalaytti, buning
bilen Hitay Şerqiy Türkistanda Uygurlarğa qartqan
basturuşni bimalal yürgüzüp, Uygur musteqilçilirini
tamamen yoq qilip taşlaş arqiliq ahirida, Şerqiy
Türkistanni menggu öz çanggilida saqlap qéliştin ibret
mehsitige yetmekçi idi. Hitay hökümiti deslep,
Uygurlarni < térrorst> we musulman < bölgünçi> dep jar
salsaqla, Amerika we Helqara jemiyet buningğa işinidu
we bizni qollaydu dep oylidi. Biraq iş undaq asanğa
çüşmidi. Şunga ular köp zoruqup yurup Uygurlarning <térroristliğini>
ispatlaşqa kirişti. Deslep Uygurlarni Talibanlarğa we
Usame Binladinğa bağlidi. Bumu emelge aşmiğandin kéyin
Uygurlar sadir qilğan atalmiş <téror pakitlirini>
yasap çiqti. Lékin helqara jemiyet Hitaydek mustebit,
zorawan hakimiyetning quruq böhtanliriğa işenmidi.
Emiliyette Hitayning özi heqiqi térrorist idi. Dunya
ehli Hitayda insan heqlirining qopal rewişte buzulup
kéliwatqanliğini, bulupmu Uygurlarğa nisbeten
pewquladde bésim we basturuş siyasitining
yürgüzüliwatqanliğini yahşi çüşinetti. Şu seweblik
Hitayning Uygurlarni térrorst dep qarilaş herkiti özi
oğri turup başqilarni oğri tutqiniğa ohşaş iş bolup,
ahiri Hitayning özini şermende qiliş bilen yekünlendi!
Sheqiy Türkistan Information Merkizi
|
|
