Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

4. Helqara Jemiyetning Uygur Mesilisidiki Heqqani Meydani

Gerçe Hitay hökümiti bu qétim térrorizimğa qarşi küreş bahaniside, heq – naheqni astin –üstün qilip, Uygurlarni térrorist qilip körsitişke bar imkanlirini işqa salğan bolsimu, beribir közligen mehsitige irişelmidi. Meyli Amerika bolsun, meyli Yawropa Ittipaqiğa eza başqa ğerip döletliri bolsun, ularning héçbiri Hitayning Uygurlar heqqidiki naheq we urunsuz pitne éghwaliriğa işenmidi. Eksiçe, Hitay hökümiti Uygurlarni térrorst qilip körsitişke küçep urunğanseri, Uygur mesilisining helqara tesiri we Amerika başçiliğidiki démokratik döletlerning we helqaraliq kişilik huquq organlirining Uygurlarğa bolğan hésdaşliği şunçe aşti. Mesilen, Prizdent Bush 21- oktebir küni Shanghaide Hitay dölet reisi Jang bilen uçraşqanda, Hitayning 11- sintebir weqesini bahane qilip qol astidiki az sanliq milletlerge qarita basturuş élip barmasliqni telep qildi. Bu yerde atalğan az sanliq milletining aldi bilen Şerqiy Türkistandiki Uygurlarni körsitidiğanliği hemmige ayan.
Téhimu ehmiyetlik bolğini şuki, 3- nowtlik <Şerqiy Türkistan (Uygurstan) Milliy Qurultiyi> ning éçilişi üçün Bilgiye paytehti Brukseldiki Yawropa parlament zalidin orn bérildi, we Hitayning türlük tosqunluqliriğa qarimay, qurultay onguşluq ötküzüldi.
Hitay Uygurlarni <térrorst> dep hemme yerde jar séliwatqan, Shanghai de <Asiya Ténç Okyan Hemkarliq Teşkilatliri>ning yeğini ötküziliwatqan bir peytte, milliy qurultayning éçilişi Hitay üçün qahşatquç zerbe, biz Uygurlar üçün nahayiti çong ğelbe boldi! Yawropa parlamenti, Uygurlarning terrost emesligini, Hitayning töhmetlirige işenmesligini, emili herkiti arqiliq pütün dunyağa namayende qildi! Yene 9- noyabir, Hitayğa iş sepiri bilen barğan B.D.T insan heqliri kometitining reisi Mari Robinsun hanim Jiang Zemin bilen kürüşkende Şerqiy Türkistandiki weziyet we Uygurlar üstide mehsus tohtulup, Hitayni <térrorizimğa qarşi küreşni> bahane qilip, Uygurlarğa qaritilğan basturuşni küçeytmeslikke agahlandurdi.  

©UÇQUN-KIVILCIM - 22/11/2001 21:25  Hazirliğuçi: A. Qaraqaş