|
Hitay dairliri 11- sintebir
weqesidin kéyin, Uygurlarni „térrorist”, Uygur
teşkilatlirini <térrorist teşkilatlar> dep qarilawatidu.
Biz Hitayning bu hil töhmetlirige toğridin –toğra
reddiye bériştin aldin, nöwette dunyada eng köp tilğa
éliniwatqan, térror, térrorist we térrorluq teşkilatning
nime ikenligi bilen tunuşup öteyli: <térror> melum şehs
yaki goruhning öz mehsitini işqa aşuruşta qollanğan,
zorawanliq çarilirini körsitidu. <térrorçi> şu hil
zorawanliqni işqa aşurğuçi zorawan şehislerge
qaritilidu. <Térrorist teşkilat> bolsa, térrorçilarning
uyuşqan topidin ibaret. Térrorçilarning muddiasi köpinçe
selbi we intayin bir tereplime ğayilar üstige qurulğan
bolup, ular ténç démukratik jemiyetke, normal
qanun-tertiplerge we kişilik hayatqa düşmenlik bilen
qaraydu. Şu seweplik huddi prizdent Buş éytqandek,
térrorçilarning ne milliti, ne wetini, ne diniy
bolmaydu.
11- sintebir weqesidin kéyin, Amerika hökimiti dunya
ténçliqiğa tehdit séliwatqan 27 térrorst teşkilatni
éniqlap çiqti. Uygurlarning bu térrorist taipiler bilen,
jümlidin 11- sintebir pajiesige biwaste bağlinişliq
bolğan Usame Binladin we uning El Qaide teşkilati
şuningdek Taliban himayisi astidiki başqa térrorst
teşkilatlar bilen héçqandaq ohşaşliqi yaki birer alaqisi
yoq.
Bügünki künde Uygurlar Hitay mustemlikisi astida
yaşimaqta. Uygurlar Hitay dawa qilğandek, Hitaylar bilen
nesildaş héliq emes! Eksinçe Uygurlar tili, mediniyiti,
milliy orp- aditi, diniy étiqadi, hetta taşqi
qiyapetlirigiçe Hitaylardin keskin periqlinip turidiğan
Türki nesillik musulman héliqtur!
Uygurlarning ana wetini bolğan Şerqiy Türkistan hem
héçqaçan Hitay dölitining bir qismi emes! Belki tarihtin
béri öz aldiğa yaşap kelgen, yéqinqi zamanda Hitaylar
teripidin bésip élinğan mustemlike astidiki memlikettur.
Uygurlar héçqaçan Hitayning mustemlikiçilik
hökümranliğini qubul qilğan we uningğa baş egken emes.
Uygurlar Hitay mustemlikisi astida qalğan 100 yillar
mabeynide, öz milli mustaqilliğini qolğa keltürüş üçün,
Hitay mustemlikiçilirige qarşi tinmay küreş qilip keldi.
Uygurlar peqet, muşu esirning aldinqi yérimidila
hésapsiz qurbanlar bedilige ikki qétim musteqil Şerqiy
Türkistan Jumhuriyiti quruşqa muwappeq bolğan idi.
Epsuski, 1944- yili Ğuljida qurulğan <Şerqiy Türkistan
Jumhuriyiti> Stalin bilen Mao otturisidiki siyasi
sodining qurbani qilindi. 1949- yili kommunist Hitay
Şerqiy Türkistanni bésiwaldi.
Uygur helqi 50 yildin béri mustebit Hitay
mustemlikiçilirige qarşi küreşni bir künmu tohtatqini we
musteqilliq umididin esla wazkeçkini yoq ! Bügün Şerqiy
Türkistannnig içi we sirtida élip bériliwatqan küreş del
ötmüştiki şu hil küreşning dawamidur! Nöwette Şerqiy
Türkistandiki Hitay turmiliride 100 mingdin artuq
bigunah Uygur azap çekmekte, <Milli bölgünçi>,
<qanunsuiz diniy unsur>, <térrorist> degendek töhmetler
bilen öltürülmekte. Qiyin qistaqqa élinmaqta, türlük
jazalarğa mehkum qilinmaqta!
Eger milliy zulumdin qutuluş we kişilik heq-hoquqlirini
qolğa keltürüş yolida küreşküçiler, Hitaylar éytqinidek
„térrorist” hisaplinidiğan bolsa, u halda bügün yer
yüzide yaşawatqan 20 milyundin artuq Uygurning hemmisini
<térrorist> dep atşqa toğra kélidu. Çünki, barçe Uygur
Hitay mustemlikisidin qutulup, hor – erkin yaşaşni we şu
yolda küreş qilişni arzu qilidu.
Hitay dairliri, Uygurlarni <térrorist> dep qarilaş bilen
qalmay, nöwette Şerqiy Türkistanning içi we sirtida
paaliyet élip bériliwatqan barliq Uygur teşkilatlirinimu
<térrorist teşkilat> dep qarilidi. 14-noyabir küni Bei
Jingda éçililğan ahbarat élan qiliş yeğinida Hitay taşqi
işlar ministiriligining ahbarat bayanatçisi Zhu Bangzao
bir qatar Şerqiy Türkistan teşkilatlirini tilğa élip,
ularni <térrorçi teşkilat> dep atidi. Bulupmu u <Şerqiy
Türkistan Infarmatsiyon Merkizi> we bu merkezning
ahbarat bayanatçisi Dilshat Reshit heqqide alahide
tohtaldi.
Baş orgini Münсhenğa jaylaşqan <Şerqiy Türkistan
Infarmatsiyon Merkizi> dunya jamaetçilikige Şerqiy
Türkistandiki weziyet we Uygurlar heqqide ahbarat uçhur
yetkuzuş bilen şuğullinidiğan, pütünley ténçliq we
demokratiye prinsiplirida iş élip baridiğan Uygur
ahbarat orgini bolup, bu merkez qurulğan 5 yildin buyan,
helqara kişilik hoquq organliri we dunyadiki türlük
ahbarat wastilirini Şerqiy Türkistandiki insan
heqlirining éğir derijide buzuluş halliri we Uygurlar
heqqiide, işençlik birinji qol menbeler bilen teminlep,
öz işi sahasi boyiçe helqarada belgülük tesirge ige
bolğan Uygur teşkilatiğa aylanğan idi. Dilshat Reshit
bolsa, ahbarat Merkizining Şiwetsiyede turuşluq
bayanatçisi idi. Hitay dairlirining muşundaq bir ahbarat
ornini < térrorist teşkilat> diyişi ularning Uygurlarni
dunyağa térrorsit qilip körsitişke urunuşta qançilik
esebiyleşkenligini hetta, bu mesilide nérwa sezgürligi
éşip kétiş késilige giriptar bolğinini çüşendürüp
béridu. |
|
