Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

Swetsiyening Sabiq Muawin Bash Weziri: Fransiye bilen Xitay Birliship Yawrupa Birligini Tehdit Sélip Qorqitiwatidu Dep Körsetti

ETIC muxbiri Azatnuri xewiri: Swetsiyening sabiq muawin bash weziri Amack 30-mart Germaniye „Dunya Geziti“ning ziyaritini qobul qilghanda bularni körsitip ötti: Yawrupa birligining Xitaygha qaratqan qoral imbargosi Amerikining besimi we tajawuzchiliq xaraktiridiki „ Bölgünchilikke qarshi qanunui“ sewebidin hazirche emeldin qaldurilmisimu, lékin Xitay kompartiyesi bilen Fransiyening birlishiwelip Yawrupa birligige tehdit selip qorqitip qoral imbargosini emeldin qaldurushqa urunishidek taktikisi kishini seskendüridu.
Merkizi axbarat agentlighining xewiride, Amack mundaq digen: Xitay kompartiyesi teximu ilghar qorallardin paydilinip Xitay milliti tarixidiki birdinbir demokiratik döletni yoqatmaqchi. Öz waqtida Chirak(Fransiye prizdenti) Iraq diktatori Saddamgha Atom reaksiye qazinini setip bergen idi, emdi bolsa Xitay-fransiye sodisida qoral soda setighi muhim orunda turghanliqtin, chirak Xitay kompartiye diktatorlirining pullirigha aldinip özini yoqitip qoyiwatidu. Xitay bilen fransiyening birlishiwelip qiliwatqan közboyamchiliqliri üstide u mundaq toxtaldi: Fransiye diplomatliri aldi bilen Xitay terepke qaysi Yawrupa dölitining qoral imbargosini emeldin qaldurushqa qarshi turiwatqanlighini xewer qilidu, Xitay bolsa u döletlerge soda munasiwitimizni üzimiz dep tehdit salidu. U yene mundaq didi: eger Xitay Germaniyediki SIEMINS ge yaki Volkswagen ge, gollandiyediki Philips ge ikki eghiz sözlep qoysa qaysisi nechche milyartliq mal zakas qilish talonidin waz kecheleydu? U tenqitlep Yawrupaning chiriklishishning gumashtisi bolup ketkenligini sökti. Burun Swetsiye erkinlik partiyisining bashlighi bolghan Amack bularni körsetti: konserwatip partiyidikiler burun Taiwan ning demokiratsiyesini izchil qollap kelgen idi, ötkenki onnechche yilda Kopinhagen, Oslo, Stocklomlardiki parlamentlarda Taiwan ni qollaydighan yighilishlar ötkizilip turatti. Lékin imbargoni emeldin qaldurushqa qoshulghan Swetsiye parlamentidiki ezalarning sani yerimige yetmigenliktin solchilardin bolghan bash wezir Persohn ongchilardin bolghan konserwatip partiyening bashlighi Rufetqa mektup yollap ularning imbargoni emeldin qaldurushni qollishini ümit qildi. Shundaqla bu Persohnmu besimgha boy egdi digenlik.

©UÇQUN-KIVILCIM - 27.08.2005 12:24 Hazirliğuçi: A. Qaraqaş