|
XUAR universiti edebiyat
fakoltitining oqutquchisi, ataqliq balilar edebiyati
yazghuchisi we tetqiqatchisi pishqedem ustaz Tursun .Qurban
nöwette Xitay hökümitining qattiq rohi bésimlirining
zerbiside qan bésimi yuquri bolup kétish sewebidin yérim
téni palech halda pensiyede yashimaqta.
Ustaz Tursun. Qurban mezkur universetning pishqedem bir
ewlat gholluq maaripchiliridin biri bolup, uzun yil
Uygur balilar edebiyati yazghuchisi we tetqiqatchisi
bolup ishlep kelgen idi. Eslide hörmetlik ustaz Uygur
maarip saheside ülgilik töhpe yaratqanlar qataridin orun
élishqa we axirqi ömrini ghemsiz xoshal-xoram ötküzishke
tégishlik idi. Biraq tuyuqsiz qan bésimi yuqurlap kétish
késilige giriptar bolup méngisige qan chüshüp uzun
dawalanghan bolsimu saqiyalmay késel azawini tartmaqta.
Mezkur oqutquchi ders munbiride herdaim millet heqqide
söz qilghanlighi, weziyetni toghra tehlil qilip,
oqughuchilargha nishan ghaye tikleshke yardem bergenligi
we yéngi dewrdiki oqughuchilarning nime qilish kérekligi
meuliyetlirini bildürip turatti. Kommunistik partiye
bilen idiye jehettiki birlikni saqlimighanlighi üchün
Xitay hökümitining diqqitini qozghighan idi. 90-yillarda
sabiq sewit ittipaqi yimirlip, dunya weziyiti bir mezgil
chong özgürishlerni beshidin kechürip, ottura asiyaning
xeritisi bashqidin sizilwatqan mezgillerde, bu xil
özgirishlerdin ilhamlanghan ustaz oqughuchilargha bu
yéngidin musteqil bolghan Türkiy millet
jumhiryetlirining Uygur rayonigha körsitidighan tesirini
toghra sözligenligi üchün Xitay kommunistliri teripidin
bayqilip 9 yil oqutquchiliq munbiridin qaldurilip
fakoltit matiryal bölimide nazaret astida ishleshke
mejbur qilinghan. 2001-yiligha kelgende bolsa édoligiye
sahesidiki bölgünchilikke qarshi küreshte ustazning bu „qilmishliri“
yene tartilip chiqip küresh qilinghan. Emdila teslikte
rohi jehette eslige keliwatqan bu ustaz yene qattiq rohi
bésimgha uchrighan shuning bilen qan bésimi yuquri
bolush késilige duchar bolup, arqidinla méngisige qan
chüshüp apiratsiye qilinip dawalanghan bolsimu ünim
bermey yerim palech bolup qalghan. Buni Xitay
hökimitining éghir rohi azapliridin ayrip qarighili
bolmaydu. Mushu oqutquchigha oxshash sanaqliqla qalghan
ottura yash we yash Uygur oqutquchilar nöwette Xitay
hökimitining xilmu-xil rohi azap bésimlirigha uchrap
arqa arqidin tuyuqsiz yürek késili we qan bésimi
yoqurlap kétish késellirige duchar bolup palech bolmaqta
we ölüp kétiwatmaqta. ziyalilirimizning rohi bésimi
künseri ashmaqta. |
|
