Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

Beijing Dairlirining Yapongha Qarshi Namayish Peyda Qilghanlighigha Qarita Tokyo Etiraz Bildürdi

Öz muxbirimiz Azat nurining 9-aprildiki xitay medialiridin neqil keltürip bergen xewiri: Beijing xelqining chong kölemlik Yapongha qarshi namayish ötküzip Yapon elchixanilirigha tash etip körsetken herketlirige qarita, Yapon tashqi ishlar wazariti bügün bu kishini bekmu epsuslanduridighanlighini we xitay chegrisi ichidiki grazdanlirining bixeterligige kapaletlik qilinishini telep qildi. Bir türküm awam 9-april Beijingda chong namayish ötküzip Yaponiyening talash tartish boliwatqan derislik kitaplarning besilishigha qoshulghanlighigha we Yaponiyening BDT bixeterlik komititining daimi ezasi bilishigha qarshi turdi we yuquri awazda shuar tawlap Yapon bayrighini köydürip kishilerni Yapon mallirigha bayqut qilishqa ündidi. Beijingliqlarning qarishiche bu 1989-yildin buyanqi eng chong namayish iken.
Yaponiye tashqi ishlar wazaritining yardemchi bashlighi Takeuchi xitay temsilchisi Chenyonghuagha bularni bildirdi: Yaponiye elchixanisining bu derijide buzghunchiliqqa uchrishi kishini tolimu epsuslanduridu. Chenyonghua buni Beijinggha doklat qilidighanlighini bildirgen.
Xitay kompartiyesi xelqning toplishishidin qorqidu, chünki öz hakimiyitige paydisiz. Texi yeqindila burunqi kompartiye sekritari Zhaoziyangning matem murasimigha qatniship namayish qilishni iltimas qilghanlarning hemmisini muqimliqqa buzghunchiliq qilghan dep ikki ay tutup turup tekshürgen idi. Mushundaq ching kontorol siyasiti astida bundaq chong kölemlik namayishning tasadibi özligidin chiqishi mumkin emes.
Tehlilchilerning qarishiche: bu namayishning arqa tirigi hökimet. Torlardiki xewerlerge qarighanda aldinqi künlerde Shenzhen da bolghan Yapongha qarshi namayishchilarning asasliq sepi forma kiymigen qoralliq saqchilarken. Amerika awazining 9-april Beijingdin bergen xewiride mundaq diyilgen: siyasi qarshiliq küch körsitish herkiti xitayda nahayiti az uchraydu, qandaq bolishidin qeti nezer shenbe künidiki bu namayishta qoralsiz saqchilar jimjit tamasha kördi. Bezi oqughuchilarning diyishiche mektep ularning namayishqa chiqishigha ilham bergen. Burun namayish qilishni iltimas qilghanlar qolgha elinip solinatti bu qetimqi namayishni bolsa saqchilar neq meydanda namayish qilish ruhsiti berdi. Shenzhendiki namayishta bolsa aldin a la muxbirlar kütip turghan, saqchi we bixeterlik xadimliri belgilengen rayonlarda buyruq kütip turghan hem kelip hujumgha uchrighan Yapon shirketliri qandaqtur aldin a la xewer tapqan bolup ishlirini toxtatqan.

©UÇQUN-KIVILCIM - 27.08.2005 12:24  Hazirliğuçi: A. Qaraqaş