Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

4 ) Sherqiy Türkistanning Sehiye Saheside Ikki Xil Ölçem

Bügünki künde Sherqiy Türkistan rayonida xéli éghir keselliklerge giribdar bolghan Uygurlarningmu iqtisadi qiyinçiliqlar tüpeylidin dohturhanigha bérip dawalinishtin mehrum qeliwatqanliqi, hökümet dohturhanilirining, jeni tumshuqigha kélip qalgha Uygur bimarlarnimu < Neq pul tapshur > dep doxturhanidin rehimsizlerçe heydep çiqiriwatqanliqi, bu seweptin bezi Uygurlarning dawalinishqa pul tapalmay, doxturhanilarning busugha we pelempeyliride jan üzüshidek éçinishliq hadisilerning pat – pat körülüp turiliwatqanliqi hemmige ayan bir hadise. Epsuski Xitay hökümiti sehiye saheside Uygurlar bilen Xitaylargha qarita ezeldin ikki hil ölçemni qollunup kelmekte we Sherqiy Türkistanda yashawatqan Xitaylar hökümetning alahide imtiyazliridin behriman bolup kelmekte.mesilen, Xinhua ahbarat torining 8 – ayning 19 – küni ürümçidin bergen hewiride bayan qilinishiçe, Sherqiy Türkistandiki < ishlepçiqirish qurulush bingtüeni > qarmighidiki 90 – tüenning dohturhana we sehiye merkezliri 10 kün waqit içide Tüen qarmighidiki 2700 neper Xitay ayalni heqsiz tekshürüp çiqip, kesellik alametliri körülgenlirini pütünley heqsiz dawalighan, xewerde yene, buningdin kéyinmu salametlik tekshürüsh, dawalash we dora qatarliqlarda heq almasliq pirinsipi qollunilidighanliqi bayan qilinghan. Köpçilikke melum bolghinidek, < ishlepçiqirish qurulush bingtüeni >, Sherqiy Türkistandiki Xitay köçmenlirining eng çong lagiri bolup, Xitay hökümitining statiskilirida, < Bing Tüen > qarmiqida 3 milyongha yéqin Xitay puhrasining yashaydighanliqi qeyt qilinmaqta.

©UÇQUN-KIVILCIM -19.08.2004 17:52  Hazirlighuchi A. Karakash