Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

Çong Han Milletçiligining Ipadisi

     Diktator hökümranliq Zhongguo Kommunistlirining qoligha ötkendin keyin çong Han milletçiligi teximu ghaljirlashti teximu ashkariliqqa yüzlendi çünki kommunistlar öz hökümranlighining qanuni asasining peqetla bu dunyagha sighmay qalghan xelqining milletçiligini qozghash ikenligige qattiq ishengen. Bu çong milletçilik Uygur, Tibet qatarliq hamisi yoq milletlerning tuprighini erkinligini tartiwelip yashashqa amalsiz qoyushtek tereplerdinla ipadilinip qalmay---puxralirining aç-toqlighi we sawatsiz qelishi bilen hisaplashmay eslidila yétishmeywatqan ixtisadining köp qismini armiyesini küçlendürish we zamaniwilashturushqa serp qiliwatidu, öz millitining kelgüsi menpeti üçün Uygurlar diyaridiki nefit baylighidin mengülük behrimen bolush üçün yerlik Uygurlarni ewlat qaldurushtin çeklewatqan bolsa Han millitini öz ana tupraqlirini tashlap köplep köçüp çiqishqa meyburlawatidu. Tentebiye musabiqiliri eslide hiçqandaq siyasi tüs almaydighan, barawerlikni, adilliqni asas qilip elip berilidighan köngül éçish we talantini namayen qilidighan meshghulatdur lékin yéqinda elip berilghan(awgustning beshida) Asiya longqisini talishish putbol musabiqisida emili küçi dunyaning aldida turidighan Yaponiye kamandisi bilen Asiyadiki emiliy küçi ikkinçi orunda dawalghup turghan Zhongguo putbol kamandisining musabiqiside çong Han milletçiligining yirginishlik kartiniliri körilip dunya jamaitige nahayiti yaman tesir bergen töwende öz muxbirimiz Alimjanning munasiwetlik medialardin neqil keltürip bergen xewiri.
Yaponiye medialirining xewerliride Çongqin we Jinande ötküzilgen guruppilar ara musabiqilerde Zhongguo putbol tamashibinliri Yaponiye tamashibinlirigha su botulkilirini we exletlerni étip haqaret qilghan Yapon kamandisining normal meshghulat elip berishigha tosqunluq qilghan. Bir Yaponluq tamashibin mundaq digen: ularda exlaq digen nerse mewjut emes, Asiya longqisi bilen siyasetning hiçqandaq munasiwiti yoqtur, ularning bu qiliqlirini çüshinelmiduq. Bir Zhongguoluq tamashibin mundaq digen: bizning qilghanlirimiz Yaponiye jemiyitidiki Zhongguogha qarshi kahishlargha bolghan inkastur peqet az bir qisim Zhongguoluqlar bu musabiqe pursitidin paydilinip esirler dawamida shekillengen öçmenligini ipadiyelidi, köpçilik hemmimiz mushundaq hissiyatta mesilen: men Yaponiyede ishlengen mexsulatlarni qollanmaymen, mening etrapimdiki doslirimmu shundaq!!!. Bashqa medialarning bergen resimlik xewerliride Zhongguo tamashibinliri neççe on milyon insanning beshigha çiqqan 8-armiye, yengi 4-armiye we medinyet inqilawidiki herbi formilarni kiyiship „Yapon alwastilirini yoqitayli“, „palançi arilimizni qayturup alayli“ digendek yolsiz teleplirini towliship normal musabiqini milletçiligini namayan qilidighan sorungha aylanduriwalghan. Bu bir qatar binormal ehwallar Yaponiye siyaset qatlimidikilerningmu qattiq inkas bildürishini keltürip çiqarghan bash wezir Zhongguoning Yaponiyede turushluq bash elçisini çaqirtip Zhonggou putbol tamashibinlirining siyaset bilen tenterbiye paaliyetlirini ariwelishini telep qilghan. Yaponiye medinyet-pen weziri 3-awgust bularni bildürgen: siyasetni tenterbiye musabiqilirigha arlashturwetmeslik---xelqaradiki eqelli sawat we pirinsiptur. Uning üstige 2008-yildiki Olimpik musabiqisi u jayda ötkizilidu, Zhongguo hökümitining bu xil weqelerni etrapliq bir terep qilishini ümid qilimiz. 7-awgust Beijingda ötkizilgen hel qilghuç musabiqide Yaponiye kamandisi emiliy üstinligi bilen sharait naçar bolsimu 1 ge qarshi 3 netije bilen Asiye longqisini qolgha keltürgen.

©UÇQUN-KIVILCIM - 28.08.2004 05:18  Hazirliğuçi: A. Qaraqaş