Uchur we Tehlil

1) Xitay Yene 319 Ademni Tutqun Qilghan

Boxun torining 8 - ayning 2 - künidiki xewirige qarighnada, Ürümchi saqchi terep 7 - ayning 29 - küni “Ürümchi – iyul qanliq weqesi” chétishliq jinayetchi gunmandar dep töhmet chaplap tutush boyriqi chiqarghan kishilerdin 253 ademni tutqun qilghanliqini élan qilghandin kéyin, bügün yeni 8 - ayning 2 - küni yene 319 ademni tutqun qilghanlqini élan qilghan.

Xitayning toxtimay élan qiliwatqan tutqun qilinghan ademlerning sanini toghursidiki bu uchurlar emeliyette xelq ara jemiyetning közni boyash bolup, Ürümchi shehridin tutqun qilinghan ademning sani yerlik Uyghurlarning inkasigha qarighanda emeliyette 10 000 din eship kétidu, Bu san Xitay saqchi terep élan qilghan sandin xélila köp.Xitay hélihem Sheriqy Türkistanda tutqun qillish herkitini toxtatmighan bolup, Uyghur xelqi sual soraqsiz halda öyliridin tutqun qilinip namelum jaylargha yutkep ketilen. Ulardin hechqandaq uchur kelmigen.

2) Xitay Yene Yalghan Xewer Tarqatti

Xitayning sumrugh torining 8 - ayning 2 - kündiki xewirige qarigghanda, Xitay kommmunistliri “Sherqiy Türkistan islam partiyisi” torda bayanat élan qilip pütün yershari miqyasida Xitaygha hujum qildighanliqi torghursida tehtit saldi dep ighwa tarqatti.

Xitayning sumrugh torining süretlik xewiride bir saqalliq kishining xuddi bezi teshkilatlarning ademliridek qiyapet bilen nutuq sözlewatqan haliti körsitilgen bolup, Xitay bu vidio filmi arqiliq téxiy yéqindila Uyghur xelqini qanliq qirghin qilghan “Ürümchi 5-iyul qanliq qirghinchiliq”ni yushurush we dölet ichi hem sirtidikilerning diqqitini burash meqsiti bilen ikkinchi qétim Uyghur térrorchilarning Xitaygha térrorluq hujum qildighanliq torghursidiki xewerni tarqatqan bolup, bu arqiliq özining ziyankeshlikke uchurghuchi ikenliki Uyghurlarning bolsa dölet bixeterlikige ziyan salghuchi térrorchilar ikenlikini ispatlimaqchi bolghan.

3) Xitay Yalghan Resimni Teshwiq Qildi

Xitayning sumrugh torining xewirige qarighanda, Sherqiy Türkistan térorluq teshkilati kommunist Xitay hakimiyitige tehtit sélip, ölüp ketken Uyghur qérindashliri üchün qisas alidighanliqi toghrusida bayanat élan qilghan.

Xitay tor bétide élan qilinghan süretlerdin Xitay dangliq térrorchi dep atighan Hesen Mexsumning resim dep, iraqti bezi teshkilatning atamani Zarqawining süritini élan qilghan, xelq ara éqim mesilliridin az tola xewiri bar herqandaq bir kishi bu süretning Pakisan armiyisi terpidin hujumgha uchrap qaza qilghan Hesen Mexsumning resimi emes belki Iraqtiki Elqayda teshkilatning atamani Zarqawining resim ikenlikini bileleydu. Xitay bu herkiti arqiliq özining neqeder aldamchi we saxtipez ikenlikini xelq alemge ashkara qildi. Xitayning Uyghur xelqini térrorchilar gha baghlap yoqutush süyqesti hergiz emelge ashmaydu.

4) Xitay Sherqi Türkistan Teshkilatlirigha Toxtimay Töhmet Qilmaqta

Xitay ning turluk tor betliride “5-iyul qanliq qirghinchiliq weqesi” yüz bergendin buyan izchil türde bu weqeni cheteldiki Sherqiy Türkistan musteqilchiliri we Rabiye Qadir bashchiliqidiki Dunya Uyghur Qurultiyi qatarliq Sherqiy Türkistan teshkilatliri peyda qildi dep töhmet qilip barliq mesuliyettin özini qachurmaqchi boldi.

Xitay tor betliride “Dunya Uyghur Qurultiyi”, “ Yawrupa Sherqiy Türkistan Birliki ”, “ Sheriqiy Türkistan Uchur Merkizi” qataqliq üch wekil xarektirlik teshkilat bu qétimqi weqening asasliq teshkilliguchisi pilanlighuchisi we quturatquluq qilghuchiliri dep töhmet qilghan. Shudaqla “Ürümchide 5-iyul yüz bergen zor kölemdiki qalaymaqanchiliqlargha mushu üch teshkilat mesul bolushi kérek dep joyligen.

Chetellerdiki Uyghur teshkilatliri emeliyette héchqandaq teshkillesh we pilanlash we qomandanliq qilish herkiti élip barghini yoq. Bu qétimqi ténch shekildiki namayishni Uyghur xelqi mustemlikihci kommnusit Xitayning chékidin ashqan milliy zulum we ekispalatasiye qilish siyasitige qarshi élip barghan ténch shekildiki namayish bolup, bu namayish yawuz qanxor Xitay mustemlikichi hakimiyitining qanliq qirghinchiliqigha uchrap téximu keng kölemdiki qalaymaqanchiliqqa aylanghan. Bu qétimqi iqriq qirghinchiliq herkitini emeliyette Xitay özi bir qolluq pilanligghan bolup, Xitayning weqe jeryanidiki nurghun ish kerketliri bu nuqtini sipatlimaqta. Dimek Sherqiy Türkistanning paytexti Ürümchide yüz bergen “5-iyul qanliq qirghinchiliqi ”ni peyda qilghan bash jinayetchi kommunist Xitay hakimiyitidur.