Ötken Yili Ichki Ölkilerge Mejburi Iwetilgen Uyghur Qizlirining Sani 162 Ming 500 Neper

< Tian shan xewer tori > ning xewer qilishiche, 2008 – yili < aptonom rayon > boyiche bashqa yurtlargha mejburi ishlemchilikke iwetilgen atalmish < éshincha emgek küchliri > ning omomi sani 1 milyon 869 ming 600 neper bolup, bunung ichide ichki ölkilerge iwetilgenlerning sani 162 ming 500 neper.

Ötken yili Xitay hakimiyiti olimpikning bixeterlikini közde tutup, ichki ölkilerge Uyghur erlirini emes, belki pütünley Uyghur qizlirini ishlemchilikke yollighan idi.

Dimek yuqarqi san Uyghur qizlirigha qaritilghan.

Hemmige melum bolghinidek, Xelqaraliq kishilik hoqoq teshkilatliri, Xitay hakimiyitining Uyghur qizlirini ichki ölkilerge mejburi ishlemchilikke iwetish siyasitini bolsa, < Uyghurlargha qaritilghan irqiy tazilash herikitining mohim bir parchisi > dep qarap, Xitay hakimiyitini buxil gheyri insani qilmishidin waz kechishke chaqirip kelmekte.

Emma, Xitay hakimiyiti Xelqara jamaetchilikning shunche eyiplishige we Uyghurlarning qattiq naraziliqlirigha qarimastin, 2003 – yilidin buyan yolgha qoyup kelgen bu siyasitidin waz kechkini yoq, eksiche uni yenimu kücheytip, ichki ölkilerge sürgün qiliwatqan uyghur qizlirining sanini yildin – yilgha ashurup kelmekte.