Xitay Köchmenliri Russiyege Bolghan Chong Tehditmu?

Yéqindin béri Russiyede Xitay köchmenlirige düshmenlik we qarshiliq herketliri köpeygen bolup, Rus xelqi Xitay köchmenlirini Russiye ixtisadigha bolghan tehdid hésaplighan we ulargha öchmenlik bilen muamile qilghan. Rus mutehissliri, xelqining gheziwini bésish üchün 11 - ayning 26 – küni köchmenler mutehessliri yighini chaqirip bu mesilini muzakire qilghan. mutehissler ipade bildürüp, Rus ixtisadigha kélidighan tehdid Xitay köchmenliridin kelmeydu dep körsetken. Ularning analizlirigha qarighanda Russiyedin Xitaygha köchmen bolghan Rus puqralirining sani 1999- yildin 2006 – yilghiche 10300 neper bolup, bu ariliqta köchmen bolup Russiyege kirgen Xitaylar bolsa 17,000, aridiki perq peqet 5000 bolup bu anche chong perq emes dep qaralghan. Gerche Rus mutehesissliri Xitay köchmenlirini tehdid dep qarimighan bolsimu, Russiyening yiraq sherqke tutqan siyasitige naraziliq bildürgen we Russiyege kélidighan ziyan Russiyening nefit qatarliq ham materiallarni Xitayda pishshiqlap ishlep, Xitay puqralirigha ish pursiti yaritip, Rus puqralirini ishsiz qalduriwatqanlighidin boliwatidu dep qarighan.
.