|
Uchur We Tehlil
1) Hitay Hökümiti Ürümchi - Lanjou Qosh Rélisliq
Töomür Yoli Yasashni Planlimaqta
Tengri tagh tor bétining hewirige qarighanda Xitay hökümiti Ürümchi Lanjou
qosh rélisliq tömüryoli qurulishini 2009 – yili resmi bashlashni pilanlighan
bolup, bu tömür yol qurulishigha jemi 120 milyart Xitay puli meblegh salghan,
hemde tört yil ichide püttürüshni pilanlighan.
Ürümchi Lanjou qosh rélisliq tömür yol qurulishi pilani Xitayning Sherqiy
Türkistangha qaratqan mustemlikichilik siyasitini tézlitishtiki atalmish
gherpni échiwétish pilanining eng asasliq herketlendürgüch achquchi bolup,
bu tömür yol Sherqiy Turkistan baylighini Xitaygha toshush we Xitay
köchmenlirini Sherqiy Türkistangha toshushni téximu téz sür’ette tamamlashta
ghayet zor rol oynaydu. Hazir xitay hokimiti eger bu qurulush putse Ürümchi
bilen Beijingning arilighidiki musapini 15 saet etrapida bésip bolushqa
kapaletlik qilghili bolidu dep perez qilmaqta.
2) Xitay Oqughuchilar Engliye Uniwersitidin
Qoghlandi Qilindi
Mushu ayning 12- künidiki Xitay metbuat hewerlirige asaslanghanda,jemi 50
Xitay oqughuchi Engiliyening Newkasir universitining soda institotidin
qoghlandi qiliwétilgen. Qoghlandi qilinghanlarning 33 nepiri doctorantliq
oqushqa 17 nepiri Baklawerliq oqushigha kelgen bolup, ularning hemmisi
mektep teripidin peqet 14 künlük erz qilish mudditi bérilip qoghlandi
qilinghan.
Engliyediki bu universitetqa kelgen Xitaylarning Englishche sewiyesi intayin
töwen bolup, mektep ularning derslikni élip kétishidin gumanlinip ularning
materiallirini qayta tekshurgen netijide bu oqughuchilarning hemmisining
yalghan diploma we yalghan derslik netijilliri bilen kelgenligi bayqalghan.
Emilyette Xitaylarning yalghan document we yalghan diploma bilen
chet’ellerge oqushqa kélishi we köchmen bolush ehwali intayin ewj alghan
bolup, nurghun döletler bu ehwalni téxiche hés qilalmay kéliwatmaqta.
3) Özbekistan Yawropa Asiya Ixtisad Birligidin
Chékinip Chiqti
Russiye metbuatlirigha qarighanda, Özbekstan Yawropa Asiya Ixtisad Birligi
teshkilatidiki resmi ezaliq ornidin chékinip chiqqan bolup, xewerlerde
körsütilishiche Özbekistan bu teshkilatni Özbekistangha héchqandaq paydisi
bolmidi dep qarighan. Yawropa Asiya Ixtisad Birligi teshkilati 2001 – yili
5- ayda resmi qurulghan bolup, Russiye, Belirussiye, Qazaqistan, Qirgizistan,
Tajikstan we Özbekstanlardin terkip tapqan idi.
.
|
