Xotendiki Ma’arip Saheside, < Rabiye Qadirni Pash Qilish We Pipen Qilish > Herikiti Qanat Yaydurulmaqta

Uyghur milliy herikitining rehbiri we < Dunya Uyghur Qurultiyi > ning reyisi rabiye Qadir xanimning xelqaradiki tesiri we nopozining küchüyishi, shundaqla Uyghurlar arisidiki inawiti we hörmitining kündin – künge eship bérishi, Rabiye xanimni < közge qadalghan tiken > dep qarap kelgen Xitay hakimiyitini téximu sarasimige sélishqa bashlidi.

Nöwette Xitay hakimiyiti Sherqiy Türkistanda Rabiye xanimni qarilash üchün mexsus seperwerlik élip barmaqta.

Mesilen, ETIC ning igellishiche, Sherqiy Türkistanning jenubi rayunidiki Xoten wilayetlik xelq hökümiti yéqinda < ma'arip saheside Rabiye Qadirni pash qilish we pipen qilish > heqqide mexsus seperwerlik doklati élan qilghan bolup, dokilatta, Xoten wilayitining pütün nahiyéliridiki maa'rip idarélirining özige tewe bolghan yéza - kentliride oqutqochiliq qiliwatqan barliq ma'arip xadimlirini jiddi seperwerlikke keltürüp, dem élish künliri bolup bekitilgen shenbe we yekshenbe künliride, < Rabiye Qadirni tonush we uni pipen qilish > ni chöridigen asasta mexus siyasi ügünüsh élip bérishi kerekliki tekitlengen

Yuqarqi < seperwerlik doklati > din melum bolushiche, bu qétimqi siyasi ögünüshning asasiy temisi, < Rabiye Qadir'ni yaxshi tonup we oninggha qattiq qarshi turup, weten - milletning birlik - ittipaqini saqlap qalayli > bolup, doklatta, ma'arip sahesidikilerge Rabiye Qadirning atalmish < jinayi qilmishliri > ni tonutush we uning Zhung guogha qiliwatqan zor düshmenlikini bildürüshning intayin muhim ikenliki tekitlengen bolup, Rabiye xanimgha, < weten satquch xayin > dep telwilerche hujum qilinghan.

Wetendin kelgen inkaslardin melum bolushiche, Xitay hakimiyiti weten ichide Rabiye xanimgha qaratqan siyasi hujum we qarilashlirini kücheytkensiri, unung xelqimiz ichidiki inawiti we hörmiti yenimu ashqan.

( DR. A.KÉRIM )
.