Merkel Xanimning Bu Qétimqi Xitay Ziyaritide Kishilik Hoqoq Mesilisi Asasliq Temilarning Biri

< Germaniye dolqunliri > radiosining xewer qilishiche, Germaniyening bash ministiri Merkel xanim mushu peyshenbe küni Xitayni ziyaret qilip, Xitayda chaqirilidighan < Asiya – Yawropa hemkarliq yighini > gha qatnishidu.

Mezkur xewerde körsütülishiche, Germaniye bash ministiri Merkel xanim kishilik hoqoq mesiliside intayin sezgür bolup, hazirgha qeder Xitay rehberliri bilen élip barghan pütün muzakirliride kishilik hoqoq mesilisini tekitleshni adetke aylandurup kelgen bolup, bu qétimqi ziyarette ikki terep otturisida élip berilidighan söhbetlerdimu Xitayning kishilik hoqoq weziyiti asasi temilarning biri qilinidiken.

Ötken yili Merkel xanimning Dalay Lamani Berlinda qobul qilip körüshishi bilen, Xitay – Germaniye munasiwetliride éghir ixtilap we sürkülüsh peyda bolghan, Xitayning qattiq naraziliqi bilen ikki terep otturisidiki yuquri derijilik bashliqlar uchrushishimu bir mezgil tonglutup qoyulghan idi.

Yuqarqi xewerde körsütülishiche, Merkel xanimning kishilik hoqoq mesilisini tilgha élishtiki meqsidi noqul halda Xitayni eyiplesh emes, belki Xitayning heqiyqi bir qanun döwlitige aylinishigha we Xitayning kishilik hoqoq weziyitining yaxshilinishigha yardem qilish bolup, Xitayning nöwettiki kishilik hoqoq weziyitide köpligen mesililer mewjut..
.