|
Aqsuda Milliy Ma’aripning Xitaylishish Ehwali Intayin Eghir Bolmaqta
Nöwette Aqsu wilayiti Sherqiy Türkistan boyiche milliy ma’aripning
Xitaylishish ehwali eng éghir bolghan wilayetlerning biri bolup, qisqighine
bir qanche yil ichide Aqsu wilayitidiki milliy ottura – bashlanghuch
mekteplerde tesis qilinghan <qosh tilliq sinip> larning sani shiddet bilen
köpeydi, Uyghur ösmürliri üchün tesis qilinghan <qosh tilliq yesli> lermu
yeza – qishlaqlarda tez omomlishishqa bashlidi.
<Tianshan tori> ning 10 – ayning 14 – küni xewer qilishiche, Merkizi hökümet
we <aptonom rayon> ning ajratqan meblighidin sirt, Aqsudiki her derijilik
hökümetlerning <qosh tilliq oqutush> qa ajritidighan yilliq meblighila 4
milyon 900 ming yuan'ge yétidu.
2003 – yilidin hazirghiche bolghan qisqighine 5 yil ichide, Aqsu
wilayitidiki milliy ottura – bashlanghuch mekteplerde tesis qilinghan <qosh
tilliq sinip> larning sani 1382 ge, bu siniplarda oquwatqan Uyghur
oqughuchilarning omomiy sani 51 ming 726 neperge yetken.
Yéza – qishlaqlarda Uyghur ösmürliri üchün tesis qilinghan <qosh tilliq
yesli> lerning sani 407ge, bu Xitayche yeslilerde terbiyeliniwatqan Uyghur
ösmürlirining sani bolsa 18 ming 578 neperge yetken.
Besh yil ichide, 2000 neperdin artuq <qosh tilliq oqutquchi> terbiyelep
chiqilghan.
Milliy ma’aripni Xitaylashturush qedimining bu derijide téz bolushi, yerlik
xelqning küchlük naraziliqini qozghap kelmekte.
http://www.tianshannet.com.cn/news/content/2008-10/14/content_3237507.htm
|
